സ്‌കൂട്ടറിന്റെ ഹാന്റിലിൽ പത്തിവിരിച്ച് മൂർഖൻ; പിടികൂടി കാനിലാക്കി യുവാവ്; വീഡിയോ വൈറൽ

സ്‌കൂട്ടറിന്റെ പല ഭാഗങ്ങളിലും ഒളിച്ചിരിക്കുന്ന പാമ്പുകളുടെ വീഡിയോകൾ സമൂഹമാദ്ധ്യമങ്ങളിലെ പതിവുകാഴ്ചയാണ്. എന്നാൽ ഹാൻഡിലിൽ ഒളിച്ചിരുന്ന ഒരു പാമ്പിന്റെ ദൃശ്യങ്ങളാണ് ഇപ്പോൾ പ്രചരിക്കുന്നത്. സുശാന്ത് നന്ദ എന്ന ഐഎഫ്എസ് ഉദ്യോഗസ്ഥൻ പങ്കുവെച്ച വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നത്. എവിടെ നിന്നുള്ള വീഡിയോയാണ് ഇതെന്ന് വ്യക്തമല്ല.

സ്‌കൂട്ടറിന്റെ ഹാന്റിലിനകത്താണ് മൂർഖൻ പാമ്പ് ഒളിച്ചിരുന്നത്. കമ്പി വടി ഉപയോഗിച്ചാണ് ഇതിനെ പുറത്തേക്ക് വരുത്തിയത്. ഇതോടെ പത്തി വിടർത്തിക്കൊണ്ട് മൂർഖൻ പുറത്തേക്ക് വന്നു. തുടർന്ന് കുടിവെള്ളം നിറയ്‌ക്കുന്ന കാൻ ഉപയോഗിച്ച് ഇതിനെ പിടികൂടുന്നതും വീഡിയോയിൽ കാണാനാകും.

Such guests during rains are common…
But uncommon is the method used to rescue it. Never ever try this😟 pic.twitter.com/zS4h5tDBe8

— Susanta Nanda (@susantananda3) September 7, 2021

ആദ്യം കാനിലാക്കാൻ നോക്കിയെങ്കിലും അതിന് സാധിച്ചില്ല. തുടർന്ന് വീണ്ടും നടത്തിയ പരിശ്രമത്തിൽ പാമ്പിനെ പൂർണമായും കാനിനുള്ളലേക്ക് കടത്താൻ സാധിച്ചു.

അസാധാരണവും അപകടം വിളിച്ച് വരുത്തുന്നതുമായ ഇത്തരം രീതികൾ ഒരിക്കലും പിന്തുടരരുത് എന്ന് വീഡിയോ പങ്കുവെച്ചുകൊണ്ട് ഐഎഫ്എസ് ഉദ്യോഗസ്ഥൻ പറയുന്നുണ്ട്.