തിരുവനന്തപുരം : രാജ്യവ്യാപകമായി നടന്ന എൻഐഎ റെയ്ഡിൽ പ്രതിഷേധിച്ച് പോപ്പുലർ ഫ്രണ്ട് നടത്തിയ ഹർത്താലുമായി ബന്ധപ്പെട്ട് ഇതുവരെ 358 കേസുകൾ രജിസ്റ്റർ ചെയ്തു. കേസിൽ സംസ്ഥാനത്തിന്റെ വിവിധ ഭാഗങ്ങളിൽ നിന്നായി 36 പേരാണ് ഇന്ന് അറസ്റ്റിലായത്. ഇതോടെ ആകെ അറസ്റ്റിലായവരുടെ എണ്ണം 2426 ആയി.
ഹർത്താൽ ദിനത്തിൽ അക്രമം നടത്തിയതിന് ഏറ്റവും കൂടുതൽ പേർ അറസ്റ്റിലായത് കോട്ടയം ജില്ലയിലാണ്. 27 കേസുകളിലായി 411 പേരാണ് ജില്ലയിൽ ഇതുവരെ അറസ്റ്റിലായിരിക്കുന്നത്.
ഹർത്താലിന്റെ പേരിൽ പോപ്പുലർ ഫ്രണ്ട് അക്രമികൾ സംസ്ഥാനത്ത് വ്യാപകമായ അക്രമമാണ് അഴിച്ച് വിട്ടത്. അക്രമികൾ നിരവധി കെഎസ്ആർടിസി ബസുകൾക്ക് നേരെ കല്ലെറിയുകയും , പൊതുമുതൽ നശിപ്പിക്കുകയും ചെയ്തു. കൂടാതെ പോലീസുകാർക്കും പരിക്കേറ്റിരുന്നു. ഇതിന് പുറമെ ഹർത്താലിനെ ചോദ്യം ചെയ്ത് കോടതിയും രംഗത്തെത്തിയിരുന്നു.
വിവിധ ജില്ലകളിൽ ഇതുവരെ രജിസ്റ്റർ ചെയ്ത കേസുകളുടെ എണ്ണം, അറസ്റ്റിലായവരുടെ എണ്ണം എന്ന ക്രമത്തിൽ.
തിരുവനന്തപുരം സിറ്റി – 25, 70
തിരുവനന്തപുരം റൂറൽ – 25, 169
കൊല്ലം സിറ്റി – 27, 196
കൊല്ലം റൂറൽ – 15, 165
പത്തനംതിട്ട – 18, 143
ആലപ്പുഴ – 16, 159
കോട്ടയം – 27, 411
ഇടുക്കി – 4, 54
എറണാകുളം സിറ്റി – 8, 91
എറണാകുളം റൂറൽ – 17, 47
തൃശൂർ സിറ്റി – 13, 23
തൃശൂർ റൂറൽ – 27, 50
പാലക്കാട് – 7, 89
മലപ്പുറം – 34, 253
കോഴിക്കോട് സിറ്റി – 18, 93
കോഴിക്കോട് റൂറൽ – 29, 100
വയനാട് – 7, 116
കണ്ണൂർ സിറ്റി – 26, 104
കണ്ണൂർ റൂറൽ – 9, 31
കാസർഗോഡ് – 6, 62
