പത്തനംതിട്ട : നിയമവിരുദ്ധമായിരൂപമാറ്റം നടത്തിയ ടൂറിസ്റ്റ് ബസുകൾക്കെതിരെ നടപടിയുമായി മോട്ടോർ വാഹനവകുപ്പ്. രൂപമാറ്റം നടത്തിയതിന് 23 ബസുകൾക്കെതിരെയാണ് നടപടിയെടുത്തത്. ബസുകൾക്ക് 6,500 വീതം പിഴയും ചുമത്തിയിട്ടുണ്ട്.
പത്തനംതിട്ട ജില്ലയിലാണ് സംഭവം. അനധികൃതമായി ഘടിപ്പിച്ചവയെല്ലാം മാറ്റി രണ്ടുദിവസത്തിനുള്ളിൽ ബസ് വീണ്ടും പരിശോധനയ്ക്ക് എത്തിക്കണമെന്നാണ് നിർദേശം. വടക്കഞ്ചേരിയിൽ ടൂറിസ്റ്റ് ബസ് അപകത്തിൽ പെട്ട് വിദ്യാർത്ഥികളും അദ്ധ്യാപകനും യാത്രക്കാരുമുൾപ്പെടെ 9 പേർ മരിച്ചിരുന്നു.
ഇതിന് പിന്നാലെ ടൂറിസ്റ്റ് ബസുകളിൽ നടക്കുന്ന ക്രമക്കേട് കണ്ടെത്തി നടപടിയെടുക്കാൻ കോടതി ആവശ്യപ്പെട്ടു. തുടർന്നാണ് മോട്ടോർ വാഹന വകുപ്പ് പരിശോധന ആരംഭിച്ചത്.
