കന്നഡ ആരാധകരുടെ മാത്രമല്ല, സിനിമാ പ്രേമികളുടെ എല്ലാം ഇഷ്ട താരമായിരുന്നു പുനീത് രാജ്കുമാർ. ഹൃദയാഘാതത്തെ തുടർന്ന് സിനിമാ ലോകത്തോട് വിടപറഞ്ഞ പുനീത്, ആരാധകരുടെ നീറുന്ന ഓർമ്മയാണ്. ഇപ്പോൾ പുനീത് അവസാനമായി അഭിനയിച്ച സിനിമകളിലൊന്നായ ‘ ‘ഗന്ധദ ഗുഡി’ എന്ന ചിത്രത്തിന്റെ ട്രെയിലർ പുറത്തിറക്കിയിരിക്കുകയാണ് അണിയറ പ്രവർത്തകർ. ചിത്രത്തിന്റെ ട്രെയിലർ പങ്കുവെച്ച് ആശംസ അറിയിച്ചതാകട്ടെ പ്രധാനമന്ത്രി നരേന്ദ്രമോദിയും. പുനീതിന്റെ ഭാര്യ അശ്വിനി പുനീത് രാജ്കുമാർ പങ്കുവെച്ച കുറിപ്പിന് മറുപടിയയാണ് ട്രെയിലർ പങ്കുവെച്ചു കൊണ്ട് പ്രധാനമന്ത്രി ആശംസ അറിയിച്ചിരിക്കുന്നത്.
‘നമസ്തേ പ്രധാനമന്ത്രി നരേന്ദ്രമോദി, അപ്പുവിന്റെ ഹൃദയത്തോട് ചേർന്നുനിൽക്കുന്ന ഒരു പ്രോജക്റ്റായ ഗന്ധദ ഗുഡിയുടെ ട്രെയിലർ ഞങ്ങൾ റിലീസ് ചെയ്യുന്നു. ഇത് ഞങ്ങൾക്ക് വൈകാരിക ദിനമാണ്. താങ്കളോടൊപ്പമുള്ള നിമിഷം അപ്പു എക്കാലും വിലപിടിപ്പുള്ളതായി കരുതി, താങ്കളോട് എല്ലാം പങ്കിടാൻ അദ്ദേഹം ആഗ്രഹിച്ചിരുന്നു’ എന്നാണ് അശ്വിനി പുനീത് രാജ്കുമാർ ട്വിറ്ററിൽ കുറിച്ചത്. ഇതിന് മറുപടിയായാണ് ട്രെയിലർ പങ്കുവെച്ചു കൊണ്ട് നരേന്ദ്രമോദി ആശംസ അറിയിച്ചിരിക്കുന്നത്.
Appu lives in the hearts of millions around the world. He was brilliance personified, full of energy and blessed with unparalleled talent. #GandhadaGudi is a tribute to Mother Nature, Karnataka's natural beauty and environmental conservation. My best wishes for this endeavour. https://t.co/VTimdGmDAM
— Narendra Modi (@narendramodi) October 9, 2022
‘ലോകമെമ്പാടുമുള്ള ദശലക്ഷക്കണക്കിന് ആളുകളുടെ ഹൃദയത്തിലാണ് അപ്പു ജീവിക്കുന്നത്. അദ്ദേഹം പ്രതിഭയുള്ള വ്യക്തിത്വവും ഊർജ്ജസ്വലനുമായിരുന്നു. സമാനതകളില്ലാത്ത കഴിവുകളാൽ അനുഗ്രഹീതനായിരുന്നു. പ്രകൃതി മാതാവിനും കർണാടകയുടെ പ്രകൃതി സൗന്ദര്യത്തിനും പരിസ്ഥിതി സംരക്ഷണത്തിനും ഉള്ള ആദരവാണ് ഗന്ധദ ഗുഡി. ഈ ഉദ്യമത്തിന് എന്റെ ആശംസകൾ’ എന്നാണ് പ്രധാനമന്ത്രി മറുപടി നൽകിയത്. അമോഘവർഷയാണ് ചിത്രത്തിന്റെ സംവിധായകൻ. പിആർകെ പ്രൊഡക്ഷന്റെ ബാനറിൽ അശ്വിനി പുനീത് രാജ്കുമാർ ആണ് ചിത്രം നിർമ്മിച്ചിരിക്കുന്നത്. ഒക്ടോബർ 28-ന് ചിത്രം പുറത്തിറങ്ങും.
Comments