ലക്‌നൗ: നബിദിനാഘോഷം കഴിഞ്ഞ് മടങ്ങുന്നതിനിടെ വൈദ്യുതാഘാതമേറ്റ് ആറ് പേർ മരിച്ചു. ഉത്തർപ്രദേശിലെ ബഹ്‌റൈച്ച് ജില്ലയിലെ മസൂപുർ ഗ്രാമത്തിലാണ് സംഭവം.ഭഗ്ദവ സ്വദേശികളായ കുട്ടികളാണ് മരിച്ചത്. അഷ്‌റഫ് അലി,സുഫിയാന്,മുഹമ്മദ് ഇനൽയാസ്,തബ്രീസ്,അറഫാത്ത്,ഇദ്രീസ്.എന്നിവരാണ് മരിച്ചത്. മൂന്ന് പേർക്ക് ഗുരുതരമായി പരിക്കേറ്റു.
മരണത്തിൽ ആദരാജ്ഞലികൾ അർപ്പിച്ച മുഖ്യമന്ത്രി യോഗി ആദിത്യനാഥ് ജില്ലാ മജിസ്‌ട്രേറ്റിനും മുതിർന്ന പോലീസ് ഉദ്യോഗസ്ഥർക്കും ആവശ്യമായ നടപടികൾ സ്വീകരിക്കാനും വീട്ടുകാർക്ക് സഹായം നൽകാനും നിർദ്ദേശിച്ചു.
ഇന്ന് പുലർച്ചെയാണ് നബിദിനാഘോഷ പരിപാടികൾ അവസാനിച്ചത്. തുടർന്ന് യുവാക്കളും കുട്ടികളും അടങ്ങുന്ന സംഘം ഇസ്ലാമിക പതാക കെട്ടിയ ഇരുമ്പ് പൈപ്പ് ഘടിപ്പിച്ച കൈവണ്ടിയുമായി ഗ്രാമത്തിലേക്ക് ഘോഷയാത്രയായി പോവുകയായിരുന്നു, മസുപൂരിൽ എത്തിയപ്പോൾ ഇരുമ്പ് പൈപ്പ് റോഡരികിലെ 11000 വോൾട്ടിന്റെ വൈദ്യുത കമ്പിയിൽ തട്ടുകയായിരുന്നു.. അഞ്ച് പേർ സംഭവസ്ഥലത്തും ഒരാൾ ആശുപത്രിയിൽ വെച്ചുമാണ് മരിച്ചത്.
