അഹമ്മദാബാദ് : പ്രധാനമന്ത്രി നരേന്ദ്ര മോദിക്കെതിരെ അപകീർത്തികരമായ പരാമർശം നടത്തി ആം ആദ്മി നേതാവ് ഗോപാൽ ഇറ്റാലിയ. പ്രധാനമന്ത്രിയെ ” നീചൻ ” എന്നാണ് ആം ആദ്മി ഗുജറാത്ത് പ്രസിഡന്റ് വിളിച്ചത്. ഈ വീഡിയോ സമൂഹമാദ്ധ്യമങ്ങളിൽ പ്രചരിച്ചതോടെ പ്രതിഷേധവുമായി ബിജെപി നേതാക്കൾ രംഗത്തെത്തി. ഗുജറാത്തിന്റെ മകനെ ആം ആദ്മി അപമാനിച്ചുവെന്നാണ് നേതാക്കൾ പറയുന്നത്.
പ്രധാനമന്ത്രിയെ നീചനായ വ്യക്തിയെന്ന് വിളിക്കുന്നത് വീഡിയോയിൽ കാണാം. വോട്ട് ചെയ്യാൻ പോകുമ്പോൾ ഇത്രയധികം തന്ത്രങ്ങൾ പ്രയോഗിക്കുന്ന ഏതെങ്കിലും പ്രധാനമന്ത്രിമാർ ഉണ്ടായിട്ടുണ്ടോ രാജ്യത്ത് എന്നാണ് ആം ആദ്മി നേതാവ് ചോദിച്ചത്. ഈ ‘നീചനാണ്’ ഇവിടെ റോഡ് ഷോ നടത്തുന്നത്. ഡിജിറ്റൽ ഇന്ത്യയെക്കുറിച്ച് സംസാരിക്കുന്ന മോദി വോട്ട് രേഖപ്പെടുത്താൻ ഡൽഹിയിൽ നിന്ന് ഗുജറാത്തിലേക്ക് കുതിക്കുന്നു. ഈ നീചൻ എങ്ങനെ രാജ്യത്തെ ഇല്ലാതാക്കുന്നു എന്നതിന്റെ സന്ദേശമാണിത് എന്നും ഗോപാൽ ആരോപിച്ചു. ഈ വീഡിയോ പ്രചരിച്ചതോടെ സമൂഹമാദ്ധ്യമങ്ങളിൽ പ്രതിഷേധവുമായി നിരവധി പേരാണ് രംഗത്തെത്തിയിരിക്കുന്നത്. എന്നാൽ വീഡിയോ എപ്പോഴാണ് ഷൂട്ട് ചെയ്തത് എന്നത് വ്യക്തമല്ല.
Gopal Italia, Kejriwal’s right hand man and AAP Gujarat’s President, stoops to Kejriwal’s level, calls Prime Minister Modi “नीच”।
Using such profanities and abusing Gujarat’s pride and son of the soil is an insult to every Gujarati, who has voted for him and the BJP for 27 years. pic.twitter.com/5J2k8Ibmwv— Amit Malviya (@amitmalviya) October 9, 2022
ഗോപാൽ ഇറ്റാലിയയ്‌ക്കെതിരെ രൂക്ഷ വിമർശനവുമായി ബിജെപി ഐടി സെൽ മേധാവി അമിത് മാളവ്യ രംഗത്തെത്തി. അരവിന്ദ് കെജ്രിവാളിന്റെ വലങ്കയ്യും ആം ആദ്മി ഗുജറാത്ത് അദ്ധ്യക്ഷനുമായ ഗോപാൽ ഇറ്റാലിയ കെജ്രിവാളിന്റെ നിലവാരത്തിലേക്ക് താഴ്ന്ന് പ്രധാനമന്ത്രിയെ ” നീചൻ ” എന്ന് വിളിച്ചിരിക്കുകയാണ്. ഗുജറാത്തിന്റെ പുത്രനെ അപമാനിക്കുന്ന തരത്തിലുള്ള ഇത്തരം കാര്യങ്ങൾ, 27 വർഷമായി ബിജെപിക്ക് വോട്ട് ചെയ്യുന്ന ഓരോ ഗുജറാത്തിക്കും അപമാനമാണെന്ന് അദ്ദേഹം പറഞ്ഞു. വീഡിയോ പങ്കുവെച്ചുകൊണ്ട് അമിത് മാളവ്യ ഇക്കാര്യം അറിയിച്ചത്.
