ഹൈദരാബാദ്: തെലങ്കാനയിൽ ടിആർഎസിന് വൻ തിരിച്ചടി. മുൻ ടിആർഎസ് എംപി ഡോ.ബൂര നർസയ്യ ഗൗഡ് പാർട്ടിയിൽ നിന്ന് രാജിവച്ചു. രാജിയ്ക്ക് പിന്നാലെ ബിജെപി ദേശീയ ജനറൽ സെക്രട്ടറി തരുൺ സിംഗുമായി കൂടിക്കാഴ്ച നടത്തി. വൈകാതെ തന്നെ പാർ്ട്ടിയുടെ ഭാഗമാകുമെന്നാണ് ഔദ്യോഗിക വൃത്തങ്ങൾ വിശദമാക്കുന്നത്.
രാജി സംബന്ധിച്ച് പാർട്ടി അദ്ധ്യക്ഷനും തെലങ്കാന മുഖ്യമന്ത്രിയുമായ കെ. ചന്ദ്രശേഖകർ റാവുവിന് കത്തയച്ചു.വരാനിരിക്കുന്ന മുനുഗോട് നിയമസഭാ ഉപതിരഞ്ഞെടുപ്പിൽ മുഖ്യമന്ത്രി കുസുകുന്ത്ല പ്രഭാകർ റെഡ്ഡിയെ സ്ഥാനാർത്ഥിയായി മത്സരിപ്പിക്കാൻ തീരുമാനിച്ചതിന് പിന്നാലെയാണ് മുൻ എംപിയുടെ രാജിയെന്നാണ് രാജിയെന്നാണ് പ്രാഥമിക വിവരം.
ബൂറ നർസയ്യ ഗൗഡ് 2014-ലാണ് ഭോങ്കിർ മണ്ഡലത്തിൽ നിന്ന് ലോക്സഭയിലേക്ക് തിരഞ്ഞെടുക്കപ്പെട്ടത്. പിന്നീട് 2019-ൽ അദ്ദേഹം കോൺഗ്രസ് സ്ഥാനാർത്ഥി മത്സരിച്ചിരുന്നു. എന്നാൽ കോമതിറെഡ്ഡി വെങ്കട്ട് റെഡ്ഡിയോട് തോറ്റിരുന്നു.
