പാലക്കാട്: പല്ലശ്ശനയിൽ ഹിന്ദു ദൈവങ്ങളെ അധിക്ഷേപിച്ച ക്രിസ്ത്യൻ മത പരിവർത്ത ലോബിയെ നേരിട്ട് നാട്ടുകാർ. സുവിശേഷ പ്രസംഗം നാട്ടുകാർ ഇടപെട്ട് തടഞ്ഞു. സംഭവത്തിൽ സുവിശേഷ പ്രാസംഗികർക്കെതിരെ പോലീസിൽ പരാതിയും നൽകിയിട്ടുണ്ട്.
ഇന്നലെയായിരുന്നു സംഭവം. സുവിശേഷ പ്രസംഗമെന്ന പേരിലാണ് മതപരിവർത്തന സംഘം പല്ലശ്ശനയിൽ എത്തിയത്. എന്നാൽ പ്രസംഗത്തിനിടെ ഇവർ ഹിന്ദു ദൈവങ്ങളെ അധിക്ഷേപിച്ച് സംസാരിക്കുകയായിരുന്നു. ആദ്യം പരാമർശങ്ങൾ നാട്ടുകാർ ഗൗരവത്തിലെടുത്തില്ല. എന്നാൽ രൂക്ഷമായ അധിക്ഷേപം തുടർന്നതോടെ നാട്ടുകാർ തടയുകയായിരുന്നു.
പ്രസംഗം അവസാനിച്ച് മടങ്ങാൻ നാട്ടുകാർ സുവിശേഷ പ്രാസംഗികരോട് ആവശ്യപ്പെട്ടു. എന്നാൽ ഇവർ നാട്ടുകാരോട് കയർത്തു. പ്രസംഗം അവസാനിപ്പിക്കാൻ ആവശ്യപ്പെട്ടപ്പോൾ ഇവർ അസഭ്യം പറഞ്ഞതായി നാട്ടുകാർ പറഞ്ഞു.
തർക്കം രൂക്ഷമായതോടെ നാട്ടുകാർ വിവരം പോലീസിനെ അറിയിക്കാൻ തുനിഞ്ഞു. ഇതോടെ എന്തിനാണ് പോലീസിനെ വിളിക്കുന്നതെന്നും, പോലീസിന്റെ അനുമതിയോടെയാണ് ഇവിടെ പ്രസംഗിക്കുന്നത് എന്നുമായിരുന്നു ഇവരുടെ മറുപടി.
കഴിഞ്ഞ ദിവസം കൊല്ലങ്കോട്, എലവഞ്ചേരി എന്നിവടങ്ങളിൽ ഇവർ സുവിശേഷ പ്രസംഗം നടത്തിയിരുന്നു. ഇവിടെയും ഹിന്ദു ദൈവങ്ങളെ അധിക്ഷേപിച്ച് സംസാരിച്ചതായി പരാതി ഉയർന്നിരുന്നു. പ്രസംഗത്തിനിടെ ഇവിടങ്ങളിലും നാട്ടുകാർ ഇടപെട്ട് തടഞ്ഞിരുന്നു. അതേസമയം ഇതിന്റെ ദൃശ്യങ്ങൾ സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്.
