കാസർകോട്:സ്കൂൾ ശാസ്ത്ര മേളയ്ക്കിടെ പന്തൽ തകർന്ന സംഭവത്തിൽ മൂന്ന് പേർ അറസ്റ്റിൽ. പന്തൽ കരാറുകാരൻ ഗോകുൽ ദാസ്, സഹായികളായ ബഷീർ, അലി എന്നിവരെയാണ് അറസ്റ്റ് ചെയ്തത്. മഞ്ചേശ്വരം പോലീസാണ് പ്രതികളെ അറസ്റ്റ് ചെയ്തത്.
മഞ്ചേശ്വരം ഉപജില്ല മത്സരത്തിനിടെയാണ് പന്തൽ തകർന്ന് വീണ് 30 വിദ്യാർത്ഥികൾക്ക് പരിക്കേറ്റത്. പന്തലിന്റെ മുകൾ ഭാഗം ഇരുമ്പ് ഷീറ്റുകൾ കൊണ്ടാണ് നിർമ്മിച്ചിരുന്നത്. കുട്ടികൾക്ക് തലയ്ക്കും മുഖത്തും മുറിവ് പറ്റിയിട്ടുണ്ട്. പരിക്കുകൾ ഗുരുതരമല്ലെന്നാണ് വിവരം. ചില കുട്ടികളെ വിദഗ്ദ്ധ ചികിത്സയ്ക്കായി മംഗലാപുരത്തെ ആശുപത്രിയിലെത്തിച്ചു.
ബേക്കൂർ ഗവൺമെന്റ് സ്കൂളിൽ ഉച്ചയ്ക്ക് 2 മണിയോടെയാണ് സംഭവവമുണ്ടായത്. രണ്ട് ദിവസം നീണ്ട് നിൽക്കുന്ന മത്സരത്തിന്റെ അവസാന ദിവസമായിരുന്നു ഇന്ന്. എന്തുകൊണ്ടാണ് പന്തൽ തകർന്ന് വീണതെന്ന് വ്യക്തമല്ല. സംഭവത്തിൽ അന്വേഷണം പുരോഗമിക്കുകയാണെന്ന് പോലീസ് അറിയിച്ചു.
Comments