അകാലനര ഇന്ന് ആൺ പെൺ ഭേദമില്ലാതെ പലരും നേരിടുന്ന ഒരു പ്രശ്നമാണ്.ഉറക്കകുറവ്, സമ്മർദ്ദം പാരമ്പര്യം, തുടങ്ങിയ പലവിധ കാരണങ്ങളാണ് ഇതിലേക്ക് നയിക്കുന്നത്.പിഗ്മെൻറ് ഉത്പാദനം അവസാനിക്കുമ്പോളാണ് മുടി നരയ്ക്കാനാരംഭിക്കുന്നത്.അകാലനര ഒരുപരിധിവരെ തടയാൻ ഗ്രാമ്പൂവിനാകുമെന്നാണ് ആയുർവേദം പറയുന്നത്.
ഗ്രാമ്പൂ എണ്ണ
ഗ്രാമ്പൂ പൊടിച്ച് പേസ്റ്റാക്കി ഒലീവ് ഓയലിലോ വെളിച്ചെണ്ണയിലോ ചേർത്തിളക്കുക. ഇത് മുടിയിൽ പുരട്ടി ഒന്നരമണിക്കൂറിന് ശേഷം കഴുകി കളയാം. ദിവസേന ഇത് ആവർത്തിക്കുന്നത്. നല്ല ഫലം നൽകും.
ഗ്രാമ്പൂ ഡൈ.
ഒരു പാത്രത്തിൽ അൽപ്പം വെള്ളമെടുത്ത് അതിൽ ഗ്രാമ്പൂ ചേർക്കുക. ഇതിലേക്ക് കാപ്പിപ്പൊടി ചേർത്ത് ഹെന്ന പോലെയാക്കി തിളപ്പിക്കുക. വറ്റിച്ച് പേസ്റ്റ് രൂപത്തിലാക്കി തണുക്കുമ്പോൾ മുടിയിൽ പുരട്ടാം. ഒരു മണിക്കൂറിന് ശേഷം കഴുകി കളയാം.
ഗ്രാമ്പൂ സ്പ്രേ
ഒരു ടേബിൾ സ്പൂൺ ഗ്രാമ്പൂ ഒരു കപ്പ് വെള്ളത്തിൽ ഇട്ട് കുറഞ്ഞ തീയിൽ തിളപ്പിക്കുക. തണുക്കുമ്പോൾ ഇതൊരു സ്പ്രേ കുപ്പിയിലേക്് മാറ്റി സ്േ്രപ ചെയ്യാം. മുടിയ്ക്ക് തിളക്കവും മിനുസവും നൽകാൻ ഇത് സഹായിക്കും.
മുടിക്ക് മാത്രമല്ല ഗ്രാമ്പൂ നൽകുന്ന ഗുണങ്ങൾ. അണുബാധ തടയുക മാത്രമല്ല, ദഹനവും എളുപ്പമാക്കുന്ന ഒന്നാണ് ഗ്രാമ്പൂ.ദഹിക്കാൻ സമയമെടുക്കുന്ന ഭക്ഷണങ്ങൾ പാകം ചെയ്യാൻ ഉപയോഗിക്കുന്നതിന്റെ പ്രധാന കാരണം ഇതാണ്. ഗ്രാമ്പൂ പൊടിച്ച് അൽപം തേനിൽ ചാലിച്ചു കഴിയ്ക്കുന്നത് ഛർദ്ദി തടയും. ദഹനം എളുപ്പമാക്കും. വയറിളക്കം ഭേദമാകുന്നതിനും ഈ രീതി ഉപയോഗിക്കാം. അസിഡിറ്റിയുള്ളവർക്ക് ഉപയോഗിക്കാൻ പറ്റിയ നല്ലൊരു മരുന്നു കൂടിയാണിത് ഇത് വയറിലെ ആസിഡുകളെ പുറന്തള്ളുകയും അങ്ങനെ അസ്വസ്ഥതകൾ കുറയ്ക്കുകയും ചെയ്യും. ഗ്രാമ്പൂ ഒരു കഷ്ണം ഉപ്പുമായി ചേർത്ത് വായിലിട്ടു കടിയ്ക്കുന്നത് തൊണ്ടവേദന മാറ്റുകയും ചെയ്യും. സ്ട്രെസ് കുറയ്ക്കാനും ഗ്രാമ്പൂ സഹായിക്കും. ഗ്രാമ്പൂ, തുളസി, പുതിന എന്നിവയിട്ട് തിളപ്പിച്ച വെള്ളം ഉപയോഗിച്ച് കട്ടൻ ചായയിട്ടു കുടിച്ചാൽ സ്ട്രെസും ടെൻഷനും കുറയും. കട്ടൻ ചായയിൽ അൽപം തേനും ചേർക്കാം
