ഉണ്ണി മുകുന്ദനെ നായകനാക്കി വിഷ്ണു മോഹൻ സംവിധാനം ചെയ്ത ചിത്രമാണ് മേപ്പടിയാൻ. ഇന്ത്യയ്ക്ക് അകത്തും പുറത്തുമായി നിരവധി പുരസ്കാരങ്ങളാണ് ചിത്രത്തിന് ലഭിച്ചിരിക്കുന്നത്. സംവിധായകനായ വിഷ്ണുവിന്റെ ജീവിതത്തിൽ വലിയ മാറ്റങ്ങളാണ് മേപ്പടിയാൻ സമ്മാനിച്ചത്. ഇപ്പോഴിതാ വിഷ്ണുവിന്റെ അർപ്പണബോധത്തിനുള്ള ഒരു സമ്മാനവുമായി എത്തിയിരിക്കുകയാണ് ഉണ്ണിമുകുന്ദനും മേപ്പടിയാൻ ടീമും. പുതു പുത്തൻ ബെൻസ് കാറാണ് ഏവരും ചേർന്ന് വിഷ്ണുവിന് സമ്മാനിച്ചിരിക്കുന്നത്.
ഇതിന്റെ ചിത്രങ്ങൾ ഫേസ്ബുക്കിലൂടെ ഉണ്ണി തന്നെ പങ്കുവച്ചിട്ടുമുണ്ട്. വളരെ സന്തോഷത്തോടെയാണ് വിഷ്ണു ഉണ്ണിയുടെ കയ്യിൽ നിന്നും കാറിന്റെ താക്കോൽ ഏറ്റു വാങ്ങുന്നത്. ചിത്രങ്ങൾക്കൊപ്പം ഒരു കുറിപ്പും ഉണ്ണി പങ്കുവച്ചിട്ടുണ്ട്.
എനിക്കറിയാം , വളരെ വൈകിയിരിക്കുന്നു, എങ്കിലും നിങ്ങൾ ഇത് അർഹിക്കുന്നുണ്ട്. ഇത് നിങ്ങളുടെ സത്യസന്ധതയ്ക്കും അർപ്പണബോധത്തിനും എടുത്ത പരിശ്രമങ്ങൾക്കും എന്റെയും മേപ്പാടിയൻ ടീമിന്റെയും ചെറിയ ഒരു സമ്മാനം. നിങ്ങളുടെ സമർപ്പണവും പ്രതിബദ്ധതയും സമാനതകളില്ലാത്തതാണ് . ഇത് ഒരു തുടക്കം മാത്രമാണ്. കീഴടക്കാൻ സാധിക്കാത്തതിനെ കീഴടക്കാൻ സാധിക്കട്ടെ. ഇത് നിങ്ങൾ അർഹിക്കുന്നതാണ് സഹോദര എന്ന കുറിപ്പാണ് ഉണ്ണി പങ്കുവച്ചിരിക്കുന്നത്. ഒപ്പം ചിത്രത്തിന് ലഭിച്ചിട്ടുള്ള പുരസ്കാരങ്ങളുടെ വിവരങ്ങളും രേഖപ്പെടുത്തിയിട്ടുണ്ട്.
