ഓൺലൈൻ ലോകത്ത് വിഹരിക്കുന്നവർക്ക് ഏറെ പ്രിയങ്കരമായ ഒന്നാണ് ഒപ്റ്റിക്കൽ ഇല്യൂഷൻ ടാസ്‌കുകൾ. വെല്ലുവിളിയേറ്റെടുത്ത് ടാസ്‌കിനൊരുങ്ങി വരുന്നവരിൽ വിജയിക്കുന്നവർ പക്ഷെ കുറവാണെന്നതാണ് യാഥാർത്ഥ്യം. നിർദിഷ്ട സമയത്തിനുള്ളിൽ ടാസ്‌ക് പൂർത്തിയാക്കാൻ കഴിയാത്തവരാണ് ഭൂരിഭാഗവും. ചിലർ ദിവസങ്ങളെടുത്താലും ടാസ്‌കിൽ വിജയിക്കില്ല.
എന്നാൽ സാമാന്യം നിരീക്ഷണപാടവമുള്ള ഏതൊരാൾക്കും എളുപ്പത്തിൽ ഇത്തരം ടെസ്റ്റുകളിൽ വിജയിക്കാൻ സാധിക്കും. നമ്മുടെ കണ്ണിന്റെ ദൃശ്യപരതയുടെ സ്വഭാവം മനസിലാക്കി ഇത്തരം ടാസ്‌കുകളെ നേരിട്ടാൽ വിജയം സുനിശ്ചിതമാണ്.
ഇന്റർനെറ്റിൽ ഇപ്പോൾ വൈറലായിക്കൊണ്ടിരിക്കുന്ന ചിത്രം നിരവധി പേരെയാണ് കുഴക്കിയിരിക്കുന്നത്. തണ്ണിമത്തനാണ് ചിത്രത്തിലെ താരം. നിറയെ തണ്ണിമത്തനുള്ള ഈ ചിത്രത്തിനുള്ളിൽ ഒരു പാമ്പ് ഒളിഞ്ഞിരിപ്പുണ്ട്. ചിത്രം നോക്കി 25 സെക്കൻഡിനുള്ളിൽ അത് കണ്ടെത്തണമെന്നതാണ് ടാസ്‌ക്. വളരെ എളുപ്പമായി തോന്നുമെങ്കിലും ഭൂരിഭാഗം ആളുകൾക്കും നിർദിഷ്ട സമയത്തിനുള്ളിൽ പാമ്പിനെ കണ്ടെത്താനായില്ല.
ഈ ചിത്രത്തിൽ നോക്കി തലപുകച്ചവർക്ക് ഉത്തരമിതാ..
ചിത്രത്തിൽ ഏറ്റവും താഴെ തണ്ണിമത്തന് മീതെയുള്ള പച്ചവരകൾക്ക് സമാനമായാണ് പാമ്പ് കിടക്കുന്നത്. തണ്ണിമത്തന്റെ നിറവും പാമ്പിന്റെ നിറവും ഒന്നുതന്നെയായതിനാൽ ഒറ്റനോട്ടത്തിൽ ഇത് കണ്ടെത്താൻ പ്രയാസം തോന്നുന്നു. പക്ഷെ ഒരുതവണ ഇത് ശ്രദ്ധയിൽപ്പെട്ടുകഴിഞ്ഞാൽ പിന്നീടിത് എളുപ്പമാകുകയും ചെയ്യും. ചിത്രത്തെ പൂർണമായും സൂക്ഷ്മതയോടെ നിരീക്ഷിച്ചാൽ പാമ്പിനെ ആദ്യമേ തന്നെ കണ്ടെത്താവുന്നതേയുള്ളൂ..
Comments