എല്ലാ കാലത്തും മലയാളികൾ കഴിക്കാൻ ഏറ്റവും ഇഷ്ടപ്പെടുന്ന ഒരു ഫലവർഗമാണ് മാമ്പഴം. വേനൽ കാലത്ത് മാത്രമേ അത് ഉണ്ടാകൂ എങ്കിലും മാങ്ങ സൂക്ഷിച്ച് വെച്ച് മാസങ്ങളോളം ഉപയോഗിക്കുന്നവർ ഏറെയാണ്. മാമ്പഴ പുളിശ്ശേരി തൊട്ട് മാങ്കോ പുഡ്ഡിംഗ് വരെ മാങ്ങ ഉപയോഗിച്ച് ഉണ്ടാക്കുന്നു. ഇനിയിപ്പോ പച്ചമാങ്ങയായാലും അതിനും ഗുണങ്ങളേറെയാണ്.
കുട്ടികൾക്കും മുതിർന്നവർക്കും ഏറെ ഇഷ്ടപ്പെട്ട ഒന്നാണ് മാങ്ങ ജ്യൂസ്. കുറച്ച് ചേരുവകൾ മാത്രം മതി സ്വാദിഷ്ടമായ മാങ്കോ ജ്യൂസ് വീട്ടിലുണ്ടാക്കാൻ. പെട്ടെന്ന് തയ്യാറാക്കാൻ സാധിക്കുന്നത് കൊണ്ട് തന്നെ ഇത് ആർക്ക് വേണമെങ്കിലും പരീക്ഷിച്ച് നോക്കാവുന്നതാണ്.
ആവശ്യമായ ചേരുവകൾ
മാങ്ങ- ചെറിയ കഷ്ണങ്ങളാക്കിയത്
പഞ്ചസാര- ഒരു കപ്പ്
പാൽ- അര ലിറ്റർ
തയ്യാറാക്കുന്ന വിധം-
മാങ്ങ മിക്സി ജാറിലേക്ക് ഇട്ട ശേഷം കുറച്ച് പാലും പഞ്ചസാരയും ചേർന്ന് കൊടുക്കുക. ഇനി നമുക്കത് അടിച്ചെടുക്കാം. ശേഷം ആവശ്യത്തിന് പാൽ ഒഴിച്ചുകൊടുക്കണം. പാകമാകുന്നത് വരെ മിക്സിയിൽ അടിച്ചെടുക്കാം. തണുപ്പിന് വേണ്ടി കുറച്ച് ഐസ് ക്യൂബുകളും ഇടാം. സ്വാദിഷ്ടമായ മാങ്ങ ജ്യൂസ് തയ്യാർ. ഇത് ഗ്ലാസിലേക്ക് എടുത്ത് കുടിക്കാവുന്നതാണ്.
Comments