മുംബൈ: ബോളിവുഡ് താരദമ്പതികളായ ആലിയ ഭട്ടിനും രൺബീർ കപൂറിനും പെൺ കുഞ്ഞ് പിറന്നു. ഞായറാഴ്ച ഉച്ചയോടെയാണ് മകൾ ജനിച്ചത്. നിലവിൽ അമ്മയും കുഞ്ഞും മുംബൈയിലെ എച്ച്എൻ റിലയൻസ് ആശുപത്രിയിലാണ്. വാർത്താ ഏജൻസി എഎൻഐ ആണ് ഇക്കാര്യം റിപ്പോർട്ട് ചെയ്തത്.
താരദമ്പതികളുടെ കുടുംബാംഗങ്ങൾ ആശുപത്രിയിൽ എത്തിച്ചേർന്നിട്ടുണ്ടെന്നാണ് വിവരം. അതേസമയം ആലിയയുടെയും രൺബീറിന്റെയും ഭാഗത്ത് നിന്ന് ഇക്കാര്യത്തിൽ ഔദ്യോഗിക സ്ഥിരീകരണമുണ്ടായിട്ടില്ല. വൈകാതെ തന്നെ സന്തോഷവിവരം ഇരുവരും ചേർന്ന് പങ്കുവെക്കുമെന്നാണ് ആരാധകർ പ്രതീക്ഷിക്കുന്നത്.
