‘പ്രതി നിരപരാധിയാണോ’ എന്ന ചിത്രത്തിലെ ആദ്യ വീഡിയോ സോംഗ് പ്രേക്ഷകർക്കിടയിൽ തരംഗമാകുന്നു. സഹസംവിധായകനും കോസ്റ്റ്യൂം ഡിസൈനറുമായ സുനിൽ പൊറ്റമ്മൽ ആദ്യമായി സംവിധാനം ചെയ്യുന്ന ചിത്രത്തിലെ ഡമ്മാഡി… ഡമ്മാടി… എന്ന ഗാനം എഴുതിയത് പി. ടി. ബിനു ആണ്. അരുൺ രാജാണ് സംഗീതസംവിധാനവും ആലാപനവും. പതിവു ഗാനശൈലിയിൽ നിന്നു വ്യത്യസ്തമായ രീതിയിലാണ് ഗാനം തയ്യാറാക്കിയിരിക്കുന്നത്.
കഴിഞ്ഞ ദിവസം ഉണ്ണി മുകുന്ദൻ, കലാഭവൻ ഷാജോൺ, സണ്ണി വെയ്ൻ, ഹരീഷ് പേരടി, ഹരീഷ് കണാരൻ, നിഷ സാരംഗ്, നിയാസ് ബക്കർ, സംവിധായകൻ അരുൺ ബോസ് തുടങ്ങിയവരുടെ ഫേസ്ബുക്കിലൂടെയാണ് വീഡിയോ സോംഗ് റിലീസ് ചെയ്തത്.
വോൾക്കാനോ സിനിമാസിന്റെ ബാനറിൽ പ്രദീപ് നളന്ദയാണ് ചിത്രം നിർമ്മിക്കുന്നത്. ഇന്ദ്രൻസ്, ഹരീഷ് പേരടി, ശ്രീജിത്ത് രവി, ഇടവേള ബാബു, നിധിൻ രാജ്, സുനിൽ സുഗത, അരിസ്റ്റോ സുരേഷ്, ആവണി, അനാമിക പ്രദീപ്, കുളപ്പുള്ളി ലീല തുടങ്ങിയവർ ചിത്രത്തിൽ പ്രധാനവേഷത്തിൽ എത്തുന്നു. നിർമാതാവ് പ്രദീപ് നളന്ദയും ചിത്രത്തിൽ ശ്രദ്ധേയമായ കഥാപാത്രം ചെയ്യുന്നുണ്ട്.
നവംബർ 25ന് ചിത്രം തിയേറ്ററുകളിൽ പ്രദർശനത്തിനെത്തും. പ്രൊഡക്ഷൻ ഡിസൈനർ പ്രദീപ് പരപ്പനങ്ങാടിയാണ്. ഉത്പൽ വി. നായനാരാണ് ഛായാഗ്രാഹണം ചെയ്യുന്നത്. ജോൺ കുട്ടിയാണ് എഡിറ്റിംഗ് ചെയ്തിരിക്കുന്നത്. നൃത്തം കുമാർ ശാന്തിയും സ്റ്റണ്ട് ബ്രൂസ് ലി രാജേഷും നിർവ്വഹിക്കുന്നു. പ്രൊഡക്ഷൻ കൺട്രോളർ സജിത് തിക്കോടിയാണ്.
