ലണ്ടൻ: ടി-20 ലോകകപ്പിൽ ഇന്ത്യ-പാകിസ്താൻ ഫൈനൽ മത്സരം നടക്കാതിരിക്കാൻ പരമാവധി ശ്രമിക്കുമെന്ന് ഇംഗ്ലണ്ട് ക്യാപ്റ്റൻ ജോസ് ബട്ലർ. നാളെ ഇന്ത്യ- ഇംഗ്ലണ്ട് സെമി ഫൈനൽ നടക്കാനിരിക്കെയാണ് ബട്ലറുടെ ഈ പരാമർശം.
ഇന്ത്യയും പാകിസ്താനും തമ്മിൽ ഫൈനൽ കളിക്കുന്നത് കാണാൻ കാണാൻ ഇംഗ്ലണ്ട് ആഗ്രഹിക്കുന്നില്ല.അങ്ങനെ സംഭവിക്കാതിരിക്കാൻ ശ്രമിക്കും. ഇന്ത്യ വളരെ ശക്തമായ ടീമാണ്. കുറേ നാളായി ടീം സ്ഥിരത കാത്തുസൂക്ഷിക്കുന്നുണ്ട്. അവർക്ക് മികച്ച കളിക്കാരുടെ വലിയ നിരതന്നെയുണ്ട്.സൂര്യകുമാർ യാദവ് മികച്ച ഫോമിലാണുള്ളത്. സെമിയിൽ ഇന്ത്യയെ തകർക്കാൻ സാധ്യമായതെല്ലാം ചെയ്യുമെന്നായിരുന്നു ഇംഗ്ലണ്ട് ക്യാപ്റ്റന്റെ പരാമർശം.
അതേസമയം ഇന്ത്യൻ സമയം ഉച്ചയ്ക്ക് ഒന്നരയ്ക്കാണ് ന്യൂസിലൻഡ്-പാകിസ്താൻ സെമിഫൈനൽ മത്സരം.പാകിസ്താന്റെ ആറാം ടി-20 സെമിഫൈനൽ മത്സരമാണ്. ന്യൂസിലൻഡിന്റെ രണ്ടാം സെമിഫൈനലുമാണ് ഇന്ന് നടക്കുന്നത്.
