കൊച്ചി : സർക്കാരിന്റെ ക്ഷമയെ പരീക്ഷിച്ചാൽ മാന്യതയും മര്യാദയും പഠിപ്പിക്കുമെന്ന് മന്ത്രി വി.ശിവൻകുട്ടി. കുന്നത്തുനാട് മണ്ഡലത്തിലെ മലയിടംത്തുരുത്ത് സ്കൂളിന്റെ ഉദ്ഘാടനത്തിനെത്തിയതായിരുന്നു ശിവൻ കുട്ടി .
കിഴക്കമ്പലത്തെ ട്വന്റി 20 യെ മര്യാദ പഠിപ്പിക്കും. മന്ത്രിയും, എംഎൽഎയും പങ്കെടുക്കുന്ന പൊതു പരിപാടികളിൽ നിന്ന് വിട്ട് നിൽക്കുന്ന ട്വന്റി 20 യുടെ നിലപാട് അംഗീകരിക്കാനാകില്ല പഞ്ചായത്ത് എന്ന് പറയുന്നത് സംസ്ഥാന സർക്കാരിനു മുകളിലല്ലെന്നും വി.ശിവൻകുട്ടി പറഞ്ഞു.
ട്വന്റി ട്വന്റി നേരത്തേതന്നെ സര്ക്കാരുമായി ഇടഞ്ഞുനില്ക്കുകയായിരുന്നു. തങ്ങളുടെ പ്രവര്ത്തകന്റെ കൊലപാതകത്തില് സി.പി.എമ്മിന് പങ്കുണ്ടെന്നാരോപിക്കുന്ന അവര് എം.എല്.എ. പി.വി. ശ്രീനിജിനുമായി കടുത്ത പോരിലുമായിരുന്നു.കിഴക്കമ്പലത്ത് സി.പി.എം. പ്രവര്ത്തകരുടെ ആക്രമണത്തില് ട്വന്റി 20 പ്രവര്ത്തകന് ദീപു മരിച്ച സംഭവത്തില് 4 സി.പി.എം. പ്രവർത്തകർക്കെതിരെ കൊലക്കുറ്റം ചുമത്തിയിരുന്നു.
20-20 ഭരിക്കുന്ന ഐക്കരനാട് പഞ്ചായത്ത് സംഘടിപ്പിച്ച കര്ഷക ദിനാചരണത്തില് പി. വി ശ്രീനിജന് എത്തിയപ്പോൾ വേദിയിലുണ്ടായിരുന്ന പഞ്ചായത്ത് പ്രസിഡന്റും വൈസ് പ്രസിഡന്റും സ്റ്റാന്ഡിങ് കമ്മറ്റി അംഗങ്ങളും വേദിയില് നിന്ന് ഇറങ്ങി പോയ സംഭവവുമുണ്ടായി.
