ശരീരഭാരം കുറയ്ക്കാൻ പഠിച്ച പണി പതിനെട്ടും പയറ്റുന്നവരാണ് നമ്മൾ. ഇവയിൽ മിക്കവയും പരീക്ഷിച്ച് പിൻമാറുകയാണ് പതിവ്. എന്നാൽ ഇനി മസ്കിന്റെ രീതി പരീക്ഷിച്ചാലോ.. വെറും ദിവസങ്ങൾ കൊണ്ട് 13.6 കിലോയാണ് ലോകത്തിലെ ഏറ്റവും സമ്പന്നനായ ഇലോൺ മസ്ക് കുറച്ചതെന്നാണ് പറയുന്നത്.
ഇത്ര പെട്ടെന്ന് ശരീരഭാരം കുറച്ചതിന് പിന്നിലെ രഹസ്യം അദ്ദേഹം പങ്കുവെയ്ക്കുകയും ചെയ്തിരുന്നു. മൂന്ന് ഘടകങ്ങളാണ് അദ്ദേഹത്തിന്റെ ഭാരത്തിൽ കുറവുണ്ടാക്കിയത്. ആദ്യത്തേത് ഇടവിട്ടുള്ള ഉപവാസമാണ്. രണ്ടാമത്തേത് രുചികരമായ ഭക്ഷണത്തിന്റെ അഭാവമാണ്. മൂന്നാമത്തേത് പ്രമേഹരോഗിയായ അദ്ദേഹത്തിന്റെ മരുന്നാണെന്നാണ് അവകാശവാദം. ട്വിറ്ററിലൂടെയാണ് മസ്ക് തന്റെ ‘ത്രീ ഇൻഗ്രീഡിയന്റ് ഫോർമുല’ വെളിപ്പെടുത്തിയത്.
കഴിഞ്ഞ കുറച്ച് മാസങ്ങൾക്ക് മുൻപ് ഇടവിട്ടുള്ള ഉപവാസം വഴി ഒമ്പത് കിലോയോളം കുറച്ചതായി വ്യക്തമാക്കിയിരുന്നു. പകൽ നേരങ്ങളിൽ പ്രത്യേക സമയത്ത് ഭക്ഷണം കഴിക്കുന്നതും ഇടവിട്ട് ഇടവിട്ട് പോഷകാഹാരങ്ങൾ അധികമുള്ള ഭക്ഷണം കഴിക്കുന്നതും അദ്ദേഹത്തിന്റെ ആരോഗ്യത്തെയും സംരക്ഷിക്കുന്നതിന് കാരണമായെന്നും അദ്ദേഹം പറഞ്ഞിരുന്നു.
You’ve lost a ton of weight, Elon! Keep up the fantastic work! 💯💗 pic.twitter.com/uJhdxWUWqB
— ✨Chicago✨ (@chicago_glenn) November 16, 2022
എന്താണ് ഇടവിട്ടുള്ള ഉപവാസത്തിന്റെ ഗുണങ്ങൾ ?
നിലവിൽ ഏറെ പ്രചാരമുള്ള ഡയറ്റിംഗ് രീതിയാണ് ഇടവിട്ടുള്ള ഉപവാസം. ശരീരത്തിനും ആരോഗ്യത്തിനും നിരവധി ഗുണങ്ങൾ നൽകുന്നു. ശരീരഭാരം വളരെ പെട്ടെന്ന് കുറയ്്ക്കാനും ഷുഗർ ലെവൽ കുറയ്ക്കുന്നതിനും ഇത് സഹായിക്കുന്നു. ഗുരുതര രോഗങ്ങൾ വരാതെ സംരക്ഷിക്കാൻ ഇടവിട്ടുള്ള ഉപവാസം സഹായിക്കും ഒപ്പം തന്നെ് ദീർഘായുസ്സും നൽകുന്നു.ശരീരത്തിലെ കൊഴുപ്പിന്റെ അളവ് കുറയ്ക്കുന്നു. അത് വഴി പൊണ്ണത്തടി വരാതിരിക്കാൻ കാരണമാകുന്നു.
ഇടവിട്ടുള്ള ഉപവാസം വഴി മികച്ച ദഹനം നൽകുന്നു. എരിച്ചിലും മറ്റ് ദഹന തടസങ്ങളുമുള്ളവർക്ക് മികച്ച ഡയറ്റിംഗ് പ്ലാനാണ് ഇടവിട്ടുള്ള ഉപവാസം. ഇത്തരം ഡയറ്റ് പ്ലാൻ തിരഞ്ഞെടുക്കുന്നവർ സ്ഥിരമായി ചെയ്താൽ മാത്രമാണ് ഫലമുണ്ടാകൂ. ശരീരഭാരം മുതൽ പ്രമേഹത്തെ വരെ നിയന്ത്രിക്കാൻ ഇടവിട്ടുള്ള ഉപവാസത്തിന് കഴിയും.
