ഹൈദരാബാദ്: നായ്ക്കുട്ടികളെ കൊന്ന് വീഡിയോ ദൃശ്യങ്ങൾ ഇൻസ്റ്റഗ്രാമിൽ പ്രചരിപ്പിച്ച യുവാവ് അറസ്റ്റിൽ. ഹൈദരാബാദ് സ്വദേശിയായ റായ് ആണ് അറസ്റ്റിലായത്. ആദ്യത്തെ നായ്ക്കുട്ടിയെ മരത്തിൽ തൂക്കിയിട്ടും രണ്ടാമത്തേതിനെ കെട്ടിടത്തിന്റെ നാലാം നിലയിൽ നിന്ന് എറിഞ്ഞുമാണ് ഇയാൾ കൊലപ്പെടുത്തിയത്. തുടർന്ന് റായിയുടെ സ്വന്തം ഇൻസ്റ്റാഗ്രാം വഴി വീഡിയോകൾ അപ്ലോഡ് ചെയ്തു. ഇതിന് പിന്നാലെയാണ് സംഭവങ്ങൾ പുറത്തറിഞ്ഞത്.
ആദ്യത്തെ നായ്ക്കുട്ടിയെ പ്ലാസ്റ്റിക് കയർ ഉപയോഗിച്ച് കൊല്ലുന്നതായാണ് വീഡിയോയിലുള്ളത്. രണ്ടാമത്തെ വീഡിയോയിൽ നായയെ എറിഞ്ഞ് കൊലപ്പെടുത്തുകയും തുടർന്ന് ജീവൻ പോയോയെന്നറിയാനായി ചവിട്ടുന്നതും ദൃശ്യങ്ങളിൽ വ്യക്തമാണ്.
മൃഗങ്ങളോടുള്ള ക്രൂരത തടയൽ നിയമപ്രകാരമാണ് പോലീസ് കേസെടുത്തത്. ഇയാളെ അറസ്റ്റ് ചെയ്ത് ജാമ്യത്തിൽ വിട്ടയച്ചു. ഇയാൾ നിരന്തരമായി ലഹരിമരുന്ന് ഉപയോഗിക്കുന്നയാളാണെന്ന് പോലീസ് പറഞ്ഞു.കഴിഞ്ഞ ദിവസം മൂവർ സംഘം നായയെ കെട്ടിതൂക്കി കൊന്നതിന് പിന്നാലെയാണ് സംഭവം.
Comments