ലണ്ടൻ : ബ്രിട്ടീഷ് പ്രധാനമന്ത്രിയായതിന് പിന്നാലെ ലണ്ടനിലെ ഇസ്കോൺ മേധാവി വിശാഖ ദാസിക്ക് കത്തെഴുതി ഋഷി സുനക്. നിങ്ങളുടെ ദയയും പിന്തുണയും തനിക്ക് ഏറെ പ്രചോദനം നൽകിയെന്ന് സുനക് കത്തിൽ പറഞ്ഞു. വിശാഖ ദാസിയുടെ അഭിനന്ദനത്തിന് മറുപടിയായാണ് സുനക് അദ്ദേഹത്തിന് കത്തെഴുതിയത്.
പുരാതന ഇതിഹാസമായ ഭഗവദ് ഗീതയിൽ നിന്ന് താൻ പ്രചോദനം ഉൾക്കൊള്ളുന്നുവെന്ന് സുനക് കത്തിൽ വ്യക്തമാക്കി. ക്ഷേത്രത്തിൽ പശുക്കളെ പരിപാലിച്ചത് താൻ വളരെ ആസ്വദിച്ചുവെന്നും അത് അത്ഭുതകരമായ ഒരു ദിവസം തന്നെയായിരുന്നുവെന്നും അദ്ദേഹം പറഞ്ഞു.
ഓഗസ്റ്റിൽ ഭാര്യയ്ക്കൊപ്പം സുനക് ഇസ്കോണിന്റെ ഭക്തിവേദാന്ത മനോർ ക്ഷേത്രം സന്ദർശിച്ചിരുന്നു. അതും കത്തിൽ ഉൾപ്പെടുത്തി.
ഭക്തിവേദാന്ത ക്ഷേത്രത്തിൽ നിങ്ങളോടൊപ്പം ജന്മാഷ്ടമി ആഘോഷിച്ചത് താനും ഭാര്യയും വളരെയധികം ആസ്വദിച്ചു. നിങ്ങളുടെ ആത്മീയ സങ്കേതത്തിലേക്കുള്ള സന്ദർശനം എപ്പോഴും കൗതുകമുണർത്തുന്നതായിരിക്കും. 1200 സന്നദ്ധപ്രവർത്തകരിൽ ചിലരെ അഭിസംബോധന ചെയ്യാനും അന്ന് സാധിച്ചു. ക്ഷേത്രത്തിലെ പശുക്കളെ പരിപാലിക്കാൻ ലഭിച്ച അവസരവും ഒരു അത്ഭുതമായിരുവെന്ന് അദ്ദേഹം പറഞ്ഞു.
ഇനിയും ക്ഷേത്രം സന്ദർശിക്കാനും പശുക്കളെ പരിപാലിക്കാനും അവസരം ലഭിക്കുമെന്ന് കരുത്തുന്നുവെന്നും സുനക് കത്തിൽ പറഞ്ഞു.
