ന്യൂഡൽഹി: ലോകമെങ്ങും ഫുട്ബോൾ ലഹരി നിറയ്ക്കുന്ന ഖത്തർ ലോകകപ്പ് ഓൺലൈനിൽ കാണാൻ ജിയോ സിനിമ ആപ്പ് ഇല്ലെങ്കിലും സാധിക്കും. ടിവിയിൽ സ്പോർട്സ് 18, സ്പോർട്സ് 18 എച്ച് ഡി എന്നീ ചാനലുകൾ സബ്സ്ക്രൈബ് ചെയ്തിട്ടുള്ളവർക്ക് അനായാസം മത്സരങ്ങൾ ടിവിയിൽ കാണാം.
ഓൺലൈൻ സ്ട്രീമിംഗിന് ജിയോ സിനിമയെ കൂടാതെ മൈ വിഐ ആപ്പ്, വിഐ മൂവീസ്, ടാറ്റ പ്ലേ എന്നീ ആപ്പുകൾ വഴിയും മത്സരങ്ങൾ കാണാം. മൈ വിഐ ആപ്പ്, വിഐ മൂവീസ് ആപ്പുകൾ വഴി വോഡ്ഫോൺ-ഐഡിയ (വിഐ) വരിക്കാർക്ക് മത്സരങ്ങൾ കാണാം. ഇതിനായി നിശ്ചിത തുകയ്ക്ക് റീച്ചാർജ്ജ് ചെയ്താൽ മതിയാകും.
ടാറ്റ പ്ലേ വരിക്കാർക്ക്, ടിവിയിൽ ചാനൽ സബ്സ്ക്രൈബ് ചെയ്തിട്ടുണ്ടെങ്കിൽ എവിടെയിരുന്നു ഫോണിൽ മത്സരങ്ങൾ കാണാവുന്നതാണ്. ഇതിനായി ടാറ്റ പ്ലേ ആപ്പ് ഡൗൺലോഡ് ചെയ്ത് മതിയായ വിവരങ്ങൾ നൽകി ലോഗിൻ ചെയ്താൽ മതിയാകും.
Comments