ആം ആദ്മി മന്ത്രിയ്‌ക്ക് ജയിലിൽ വിവിഐപി പരിഗണന; വീണ്ടും തെളിവുമായി ബിജെപി, തിഹാർ ജയിൽ സൂപ്രണ്ട് സന്ദർശിക്കുന്നതിന്റെ വീഡിയോ ദൃശ്യങ്ങൾ പുറത്ത്

ന്യൂഡൽഹി: ആംആദ്മി മന്ത്രി സത്യേന്ദർ ജെയിന് തിഹാർ ജയിലിൽ വിവിഐപി സുരക്ഷയും സൗകര്യങ്ങളും ലഭ്യമാക്കുന്നുയെന്നതിന് കൂടുതൽ തെളിവുകളുമായി ബിജെപി. തിഹാർ ജയിൽ സൂപ്രണ്ട് മന്ത്രിയെ സന്ദർശിക്കുന്നതിന്റെ ദൃശ്യങ്ങളാണ് ബിജെപി പുറത്തുവിട്ടിരിക്കുന്നത്.

സന്ദർശകർക്ക് അനുവദിച്ചിരിക്കുന്ന സമയത്തിന് ശേഷവും മന്ത്രിയുടെ സെല്ലിൽ ആളുകളുടെ സാന്നിധ്യമുണ്ടെന്ന് വ്യക്തമാക്കുന്ന വീഡിയോയാണ് പുറത്തുവന്നിരിക്കുന്നത്. സെപ്റ്റംബർ മാസത്തിൽ ജയിലിനുള്ളിൽ അരങ്ങേറിയ സംഭവ വികാസങ്ങളാണ് ബിജെപി പുറത്തുകൊണ്ടുവന്നത്. അടുത്തിടെ മന്ത്രിയ്‌ക്ക് സഹായം ചെയ്ത് നൽകിയതിന് ജയിൽ സൂപ്രണ്ടിനെ സസ്‌പെൻഡ് ചെയ്തതിന് പിന്നാലെയാണ് പുതിയ സൂപ്രണ്ടിന്റെ സന്ദർശനവും ചർച്ചകളും.

Yet another video of Tihar put out by media! This time the Satyendra ka Darbaar has Jail Superintendent who has now been suspended !

After maalish by child rapist & Nawabi meal now this!

This is corruption therapy of AAP but Kejriwal ji defends this! Will he sack SJ now? pic.twitter.com/TiOMsa8Gyu

— Shehzad Jai Hind (@Shehzad_Ind) November 26, 2022

കഴിഞ്ഞ ദിവസം ജെയിന് ജയിയലിൽ പഴങ്ങളും പച്ചക്കറികളും ലഭ്യമാകുന്നില്ലെന്നും ആരോഗ്യ സ്ഥിതിവ വളരെ മോശമാണെന്നും സുപ്രീം കോടതിയെ അറിയിച്ചിരുന്നു. ഇതിന് പിറ്റേന്ന് സുഭിക്ഷമായ ആഹാരം കഴിക്കുന്ന മന്ത്രിയുടെ വീഡിയോ ദൃശ്യങ്ങളും പുറത്തുവന്നിരുന്നു. ഇതിന് മുൻപ് മന്ത്രിയ്‌ക്ക് സെല്ലിനുള്ളിൽ സഹ തടവുകാർ മസാജ് നൽകുന്നതിന്റെ വീഡിയോയും ബിജെപി ദേശീയ വക്താവ് ഷെഹ്ഷാദ് പൂനാവാല പുറത്തുവിട്ടിരുന്നു.

അദ്ദേഹത്തിന് നട്ടെല്ലിന് രോഗമുള്ളതാണെന്നും അതിനാൽ ഡോക്ടറുടെ നിർദേശ പ്രകാരമാണ് തിരുമ്മ് ചികിത്സ നൽകിയെന്നുമായിരുന്നു ജയിൽ അധികൃതരുടെ വിശദീകരണം.എന്നാൽ മസാജ് നൽകിയത് തടങ്കലിൽ കഴിയുന്ന ബലാത്സംഗ കേസ് പ്രതിയാണെന്നും ബിജെപി കണ്ടെത്തി.