വാഷിംഗ്ടൺ : മക്ഡൊണാൾഡ്സിലെ ബാത്ത്റൂമിൽ വച്ച് കുഞ്ഞിന് ജന്മം നൽകി യുവതി. നവംബർ 23 ന് യുഎസിലെ അറ്റ്ലാന്റയിലാണ് സംഭവം നടന്നത്. ആശുപത്രിയിലേക്കുള്ള യാത്രയ്ക്കിടെ യുവതിക്ക് പ്രസവ വേദന അനുഭവപ്പെടുകയായിരുന്നു. പങ്കാളിയോടൊപ്പം എത്തിയ യുവതിക്ക് റസ്റ്ററന്റ് ജീവനക്കാരാണ് പ്രവസശുശ്രൂഷ നൽകിയത്.
അലാഡ്രിയ വർത്തിയ്ക്കും പ്രതിശ്രുത വരൻ ഡിയാൻഡ്രേ ഫിലിപ്പ്സിനും പെൺകുഞ്ഞാണ് ജനിച്ചത്. ആശുപത്രിയിലേക്ക് പോകുന്നതിനിടെ ഇവർക്ക് ശുചിമുറി ഉപയോഗിക്കേണ്ട ആവശ്യം വന്നു. തുടർന്ന് വർത്തി ശുചിമുറിയിലേക്ക് പ്രവേശിച്ചതോടെ പ്രസവവേദന അനുഭവപ്പെടുകയായിരുന്നു. ഇതോടെ ഇവരുടെ പങ്കാളി പേടിച്ച് നിലവിളിച്ചു. ഇത് കേട്ട സ്ഥാപനത്തിന്റെ ജനറൽ മാനേജർ ട്യൂണീഷ്യ വുഡ്വാർഡ് ഓടിയെത്തി.
തുടർന്ന് ഇവർ റസ്റ്റോറന്റലെ മറ്റ് ജീവനക്കാരെ വിളിച്ചുവരുത്തി ആവശ്യമായ സഹായമൊരുക്കുകയായിരുന്നു. ” ഇന്ന് എന്റെ കുഞ്ഞ് മക്ഡോണാൾഡ്സിലെ ശുചിമുറിയിൽ വച്ച് ജനിച്ചു” എന്ന് ഫിലിപ്സ് ട്വിറ്ററിൽ കുറിച്ചു.
മക്ഡൊണാൾഡ്സിൽ ജനിച്ചത് കൊണ്ട് തന്നെ അവിടുത്തെ ജീവനക്കാർ കുഞ്ഞിനെ ലിറ്റിൽ നഗറ്റ് എന്ന് വിളിച്ചു. നന്ദി അരിയ മൊറേമി ഫിലിപ്സ് എന്നാണ് കുഞ്ഞിന്റെ യഥാർത്ഥ പേര്. തന്റെ മകൾക്ക് മക്ഡൊണാൾഡിന്റെ ആജീവനാന്ത സൗജന്യം നൽകണമെന്നും ഫിലിപ്സ് ട്വിറ്ററിൽ ആവശ്യപ്പെട്ടിട്ടുണ്ട്.
Comments