ജൈവരീതിയിലുള്ള കൃഷിയുടെ പ്രധാനഘടകമാണ് ചാരം,അഥവാ ചാമ്പൽ.എന്നിരുന്നാലും ഇതിനും ഉണ്ട് ഗുണവും ദോഷവും. പ്രധാനമായും രണ്ട് തരത്തിലുള്ള ചാരമാണ് ഉള്ളത്. ഒന്ന് അടുപ്പിൽ കത്തിക്കുന്ന ചാരവും. കരിയില കൂട്ടി കത്തിക്കുന്ന ചാരവും.ഇത് രണ്ടും ഉപയോഗം ഉള്ളതാണ്. എന്നാൽ ചാരം എടുക്കുന്ന അളവിലാണ് ശ്രദ്ധ പുലർത്തേണ്ടത്. ചാരം സാധാരണ ചേർക്കുന്നത് വിളകളുടെ പൂക്കൾ കൊഴിയാതിരിക്കാനും വലിയ കായ്കൾ ഉണ്ടാവാനുമാണ്. എന്നാൽ ചില സമയത്ത് ചാരം ഇട്ടുകഴിഞ്ഞാൽ ഇലയൊക്കെ കരിഞ്ഞ് പോകും. അതിന്റെ കാരണം ചാരം ഇടുന്ന അളവ് കൂടുതൽ ആവുന്നതിനാലാണ്. അതായത് ഈ ചാരത്തിൽ വലിയ അളവിൽ പൊട്ടാസ്യം അടങ്ങിയിട്ടുണ്ട്.
ചാരം ആവശ്യമുള്ള ചെടികളിൽ ഒന്ന് പയറാണ്. പയറ് നട്ട് മുപ്പത് ദിവസം ആകുമ്പോൾ അതിന് ചാരം ഇട്ട് മണ്ണ് കൂട്ടികൊടുക്കാം. എങ്കിൽ അതിന്റെ ഒറ്റ പൂവും കൊഴിയാതെ കായആയികിട്ടും. പയർ ചെടിയിലേക്ക് ചാരംതൂകി കൊടുക്കുന്നത് കേടുപാടുകൾ വരാതിരിക്കുവാൻ വളരെ നല്ലതാണ്. രാവിലെ 7:30 മുൻപ് തന്നെ ചാരം ചെടിയ്ക്ക് തൂകി കൊടുക്കുകയും നന്നായി നനയ്ക്കാനും ശ്രദ്ധ വേണം.
പയറിന് മാത്രമല്ല പടവലം, പാവല്, പീച്ചിൽ, മുളക്, തക്കാളി, തെങ്ങ് ഇതിനൊക്കെ ബാധിക്കുന്ന എല്ലാ കീട ശല്യങ്ങൾക്കും എതിരായിട്ട് ചാരം എങ്ങനെ ഉപയോഗിക്കാം. അതിനായി രണ്ട് ദിവസം പഴക്കം ഉള്ള കഞ്ഞിവെള്ളം ഒരുകപ്പ് അളവിൽ ഒരു ബക്കറ്റിൽ ഒഴിച്ച് അതിലേക്ക് ഒരുപിടി ചാരം ഇടണം. അതിലേക്ക് നിറയെ വെള്ളം ഒഴിച്ച് ഒരു കപ്പ് ഉപയോഗിച്ച് നന്നായി ഇളക്കിയതിന് ശേഷം ചെടികളുടെ മുകളിലേക്ക് ഒഴിച്ച് കൊടുക്കണം.ഉരുളക്കിഴങ്ങിന് ചാരം ഇടരുത്.
വെള്ളരി,കുമ്പളം,മത്തൻ എന്നിവ നടുന്നതിന് മുമ്പ് ആ സ്ഥലത്ത് കരിയിലയും മറ്റും കത്തിച്ചതിന് ശേഷം നടുന്നതാണ് വളരെ നല്ലത്.തക്കാളി,വഴുതന,മുളക് മുതലായ നനവുള്ള വിത്തുകൾ കഴുകിയതിന് ശേഷം ചാരംപുരട്ടി വെയിലത്തു വെച്ച് ഉണക്കിസൂക്ഷിക്കാം. പയറ്,വെണ്ട തുടങ്ങയ വിത്തുകൾ ഉണക്ക് ഉള്ളതിനാൽ ചാരത്തിൽ അൽപ്പം വെള്ളം ചേർത്ത് വിത്ത് ചാരത്തിൽ പുരട്ടി വെയിലത്ത് ഉണക്കിയാൽ രണ്ട് വർഷത്തോളം കേട് വരാതെ സൂക്ഷിക്കാവുന്നതാണ്.
