കുറച്ച് ദിവസങ്ങൾക്ക് മുമ്പാണ് തെന്നിന്ത്യന് താര സുന്ദരി ഹന്സിക മോട്വാനി വിവാഹിതയായത്. മുംബൈ വ്യവസായിയും ഹൻസികയുടെ ബിസിനസ്സ് പങ്കാളിയുമായ സുഹൈൽ കതൂരിയാണ് വരൻ. ഡിസംബർ 4-ന് ജയ്പൂരിൽ വച്ചാണ് ഇരുവരും വിവാഹിതരായത്. പതിനാലാം നൂറ്റാണ്ടിൽ നിർമ്മിച്ച ജയ്പൂരിലെ മുണ്ടോട്ട കോട്ടയിൽ വച്ച് രാജകീയമായിട്ടാണ് താര സുന്ദരിയുടെ വിവാഹം ആഘോഷിച്ചത്. ഇതിന്റെ വീഡിയോകളും ചിത്രങ്ങളും പുറത്തു വന്നിരുന്നു. ഇപ്പോൾ ഹൻസിക തന്നെ സമൂഹമാദ്ധ്യമങ്ങളിലൂടെ വിവാഹ ചിത്രങ്ങൾ പങ്കുവെച്ചിരിക്കുകയാണ്.
വിവാഹത്തിനു മുന്നോടിയായി ‘മാതാ കി ചൗകി’ ആഘോഷം ഹൻസിക നടത്തിയിരുന്നു. ഹൻസികയുടെ മെഹന്ദി ചടങ്ങ് ഡിസംബർ 3-നും ഹൽദി ചടങ്ങ് ഡിസംബർ 4-നും നടന്നു. കൂടാതെ, അതിഥികൾക്കായി ഒരു സൂഫി നൈറ്റും താരം സംഘടിപ്പിച്ചിരുന്നു. പാരീസിലെ ഈഫൽ ഗോപുരത്തിനു മുന്നിൽ വച്ചാണ് മുംബൈ വ്യവസായിയും ഹൻസികയുടെ ബിസിനസ്സ് പങ്കാളിയുമായ സുഹൈൽ നടിയോട് പ്രണയാഭ്യർത്ഥന നടത്തിയത്.
ചിത്രങ്ങൾ കാണാൻ ക്ലിക്ക് ചെയ്യുക
സുഹൈൽ പ്രണയാഭ്യർത്ഥന നടത്തുന്ന ചിത്രങ്ങൾ സമൂഹമാദ്ധ്യമങ്ങളിലൂടെ ഹൻസിക തന്നെയാണ് പങ്കുവച്ചത്. രണ്ടു വർഷമായി ഹൻസികയും സുഹൈലും ഒരു ഇവന്റ് മാനേജ്മെന്റ് കമ്പനി നടത്തി വരികയാണ്. ഈ പരിചയമാണ് ഇരുവരുടെയും വിവാഹത്തിലേയ്ക്ക് നയിച്ചത്. താര സുന്ദരിയുടെ വിവാഹ ചിത്രങ്ങൾ സമൂഹമാദ്ധ്യമങ്ങളിൽ വൈറലാകുകയാണ്.
Comments