കായംകുളം: മാങ്ങ പറിക്കുന്നതിനെ ചൊല്ലി അയൽവാസികൾ തമ്മിൽ തർക്കം. സംഭവത്തിൽ മൂന്നു സ്ത്രീകൾക്ക് വെട്ടേറ്റു. കീരിക്കാട് തെക്ക് മുലേശ്ശേരിയിൽ മിനി(49), നമ്പലശ്ശേരിയിൽ സ്മിത(34), നന്ദു ഭവനത്തിൽ നീതു(19) എന്നിവർക്കാണ് വെട്ടേറ്റത്.
ഇന്നലെ രാത്രി ഒമ്പത് മണിയോടെ കായംകുളം മൂലശേരി ക്ഷേത്രത്തിന് സമീപമാണ് സംഭവം. വടിവാൾ ഉപയോഗിച്ചായിരുന്നു ആക്രമണം നടന്നത്. അയൽവാസിയായ ബിജുവാണ് പ്രതി എന്നാണ് പോലീസ് നിഗമനം. ഇയാൾക്ക് വേണ്ടി പോലീസ് തെരച്ചിൽ തുടങ്ങി.
കൈക്കും മുഖത്തും സാരമായി പരിക്കേറ്റ സ്ത്രീകളെ ആലപ്പുഴ മെഡിക്കൽ കോളേജിൽ പ്രവേശിപ്പിച്ചു. ഏതാനും ദിവസം മുമ്പ് പറമ്പിലെ മാങ്ങ പറിച്ചതുമായുള്ള തർക്കം കായംകളം പോലീസ് പരിഹരിച്ചതിന് പിന്നാലെയാണ് അക്രമം ഉണ്ടായത്.
