അഹമ്മദാബാദ്: ഗുജറാത്തിൽ ബിജെപി ചരിത്ര വിജയം കുറിച്ചതോടെ, കോൺഗ്രസ് ആസ്ഥാനത്ത് സ്ഥാപിച്ചിരുന്ന ‘പരിവർത്തൻ ക്ലോക്ക്‘ നിശ്ചലമായി. ഗുജറാത്തിൽ കോൺഗ്രസ് വിജയിക്കുമെന്ന പ്രതീക്ഷയിൽ സ്ഥാപിച്ച ക്ലോക്കായിരുന്നു ബിജെപി ജയമുറപ്പിച്ചതോടെ നിലച്ചത്. കനത്ത പരാജയത്തിന്റെ അപമാന ഭാരത്തിൽ ക്ലോക്ക് നേതാക്കൾ ഓഫാക്കി മുങ്ങിയതാണെന്ന് കോൺഗ്രസ് പ്രവർത്തകർ ആരോപിച്ചു.
അതേസമയം, ഗുജറാത്തിലെ ഏറ്റവും മികച്ച വിജയത്തിലേക്കാണ് ബിജെപി മുന്നേറുന്നത്. 182ൽ 158 സീറ്റുകളിലാണ് ബിജെപി മുന്നിട്ട് നിൽക്കുന്നത്. 1985ൽ കോൺഗ്രസ് നേടിയ 149 സീറ്റുകളുടെ റെക്കോർഡ് ബിജെപി മറികടക്കുമെന്ന് ഔദ്യോഗിക ഫലപ്രഖ്യാപനത്തോടെ ഏറെക്കുറെ ഉറപ്പായി.
കോൺഗ്രസ് സംസ്ഥാനത്ത് ചരിത്രത്തിലെ ഏറ്റവും വലിയ പരാജയമാണ് അഭിമുഖീകരിക്കുന്നത്. നിലവിൽ 16 സീറ്റുകളിൽ മാത്രമാണ് കോൺഗ്രസ് സ്ഥാനാർത്ഥികൾ മുന്നിട്ട് നിൽക്കുന്നത്. ബിജെപിയുടെ തേരോട്ടത്തിൽ അടിത്തറ നഷ്ടമായ കോൺഗ്രസിന് ആം ആദ്മി പാർട്ടി നേടിയ മുന്നേറ്റവും തിരിച്ചടിയായി.
Comments