കൊച്ചി: അതിര് തർക്കത്തെ തുടർന്ന് എറണാകുളത്ത് ക്രൂരമായ കൊലപാതകം. അതിക്രൂരമായ മർദ്ദനത്തെ തുടർന്ന് 34 വയസ്സുകാരൻ കൊല്ലപ്പെട്ടു. അയൽവാസികളായ അച്ഛന്റെയും മകന്റെയും മർദ്ദനമേറ്റ് എടവനക്കാട് സ്വദേശി സനലാണ് മരിച്ചത്.
ഇന്നലെ രാത്രിയായിരുന്നു അയൽക്കാരായ വേണുവും മകൻ ജയരാജും ചേർന്ന് സനലിനെ മർദ്ദിച്ചത്. ഇരുമ്പ് വടി ഉപയോഗിച്ചായിരുന്നു മർദ്ദനം. പ്രതികളെ പോലീസ് കസ്റ്റഡിയിലെടുത്തു.
അതിര് തർക്കവുമായി ബന്ധപ്പെട്ട പ്രശ്നങ്ങളാണ് കൊലപതകത്തിൽ കലാശിച്ചത് എന്നാണ് പോലീസ് പറയുന്നത്. മർദ്ദനത്തിൽ ഗുരുതരമായി പരിക്കേറ്റ സനലിനെ എറണാകുളം ജനറൽ ആശുപത്രിയിൽ പ്രവേശിപ്പിച്ചുവെങ്കിലും ഇന്ന് രാവിലെയോടെ മരണം സംഭവിക്കുകയായിരുന്നു.
