പാമ്പുകളുടെ വീഡിയോ സമൂഹമാദ്ധ്യമങ്ങളിൽ വൈറലാവാറുണ്ട്. ഇരകളെ വിഴുങ്ങുന്നതും പത്തി വിടർത്തുന്നതും ഉൾപ്പടെയുള്ള വീഡിയോകൾ കാണാൻ ആളുകൾ ധാരളമാണ്. ഇത്തരം വീഡിയോകൾ കൺമുന്നിൽ പ്രത്യക്ഷപ്പെട്ടാൽ പേടിയാണെങ്കിൽ പോലും കൗതുകം കൊണ്ട് വീഡിയോ മുഴുവൻ കാണാതെ പലരും പോകില്ല. ഇപ്പോഴിതാ, ഒരു ഭീമൻ പെരുമ്പാമ്പിന്റെ മുന്നിൽ നിന്നും തന്റെ കുഞ്ഞിനെ രക്ഷിക്കുന്ന അമ്മയുടെ വീഡിയോയാണ് സമൂഹമാദ്ധ്യമങ്ങളിൽ വൈറലാകുന്നത്.
വീടിനുള്ളിലെ ഊഞ്ഞാലിൽ അമ്മയും കുഞ്ഞും കിടക്കുന്നതാണ് വീഡിയോയുടെ തുടക്കത്തിൽ കാണുന്നത്. ഊഞ്ഞാലിൽ നിന്നും ഇറങ്ങി നിലത്തിരുന്നു കൊണ്ട് കുഞ്ഞിനെ ഉറക്കാൻ അമ്മ ശ്രമിക്കുന്നു. വീടിന്റെ വാതിൽ തുറന്നു കിടക്കുകയാണ്. ഈ സമയം തുറന്നു കിടന്ന വാതിലിലൂടെ ഒരു കൂറ്റൻ പെരുമ്പാമ്പ് അകത്തു കടന്നു. ഉറങ്ങി കിടക്കുന്ന കുട്ടിയുടെ അരികിലേയ്‌ക്ക് പാമ്പ് ഇഴഞ്ഞു നിങ്ങി വരുന്നത് വീഡിയോയിൽ കാണാം.
വീഡിയോ കാണാം, ക്ലിക്ക് ചെയ്യുക
പാമ്പ് തൊട്ടരികെ എത്തിയപ്പോൾ മാത്രമാണ് അമ്മ അതിനെ കണ്ടത്. പാമ്പിനെ കണ്ട് ഞെട്ടിയ അമ്മ, ഞൊടിയിടയിൽ കുഞ്ഞിനെ ഊഞ്ഞാലിൽ നിന്നും വാരിയെടുത്ത് മുറിയിൽ നിന്നും പുറത്തേക്ക് ഓടി. ‘എന്തോ ഒളിഞ്ഞിരിക്കുന്നു’ എന്ന അടിക്കുറിപ്പോടെയാണ് ‘സ്നേക്ക് വീഡിയോസ്’ എന്ന ഇൻസ്റ്റാഗ്രാം അക്കൗണ്ടിൽ പാമ്പിന്റെ വീഡിയോ പങ്കുവെച്ചിരിക്കുന്നത്. 22 ദശലക്ഷത്തിലധികം ആളുകളാണ് ഇതിനോടകം വിഡിയോ കണ്ടത്.
ഇത് കൂടി വായ്‌ക്കുക: കാട്ടു പോത്തിന്റെ തലയിൽ കളിമണ്ണ് കൊണ്ട് കൂട്; കുരുവിയുടെ സഞ്ചരിക്കുന്ന വീട്; രസകരമായ വീഡിയോ
Comments