പശുക്കളുടെയും പോത്തുകളുടെയുമെല്ലാം പുറത്ത് കുരുവികൾ വന്നിരിക്കുന്നതും അവയുടെ ദേഹത്തു നിന്ന് പ്രാണികളെ കൊത്തി തിന്നുന്നതും നാം കണ്ടിട്ടുണ്ട്. അത്തരം രസകരമായ വീഡിയോകൾ സമൂഹമാദ്ധ്യമങ്ങളിൽ പ്രത്യക്ഷപ്പെടാറുണ്ട്. ഇപ്പോഴിതാ, ഒരു കാട്ടുപോത്തിന്റെ തലയിൽ കൂടൊരുക്കുന്ന കുരുവിയുടെ ദൃശ്യമാണ് സമൂഹമാദ്ധ്യമങ്ങളിൽ കൗതുകമുണർത്തുന്നത്. സൗത്താഫ്രിക്കയിലെ വനാന്തരങ്ങളിൽ നിന്നുള്ള ദൃശ്യമാണിത്.
നദിയിൽ വെള്ളം കുടിക്കുന്ന കാട്ടുപോത്തിനെയും അതിന്റെ തലയിൽ ചളി കൊണ്ട് കൂടൊരുക്കുന്ന കുരുവിയെയും വീഡിയോയിൽ കാണാം. ആഫ്രിക്കയിലും തെക്കൻ അമേരിക്കയിലും കാണപ്പെടുന്ന റൂഫസ് ഹോർണേരോ എന്നറിയപ്പെടുന്ന ചെറിയ പക്ഷിയാണിത്. ഇത് ഓവൻ പക്ഷിയെന്നും അറിയപ്പെടുന്നു. തവിട്ടു നിറമുള്ള ഇവ കളിമണ്ണു കൊണ്ട് മനോഹരമായി കൂട് കൂട്ടും. ഇപ്പോൾ, കൂട് ഒരുക്കിയതാകട്ടെ ഒരു ഭീമൻ കാട്ടുപോത്തിന്റെ കൊമ്പുകൾക്ക് നടുവിലും.
Buffalo mobile home.. 😅 pic.twitter.com/bSnjXnX9fC
— Buitengebieden (@buitengebieden) December 10, 2022
ചെറു ജീവികളാണ് റൂഫസ് ഹോർണേരോയുടെ ഭക്ഷണം. മരത്തിനു മുകളിൽ ഓവൻ പോലുള്ള കൂടുകൾ നിർമ്മിക്കുന്ന കുരുവിയുടെ പുതിയ കൂട് സമൂഹമാദ്ധ്യമങ്ങളിൽ കൗതുകമുണർത്തുകയാണ്. കാട്ടുപോത്തിന്റെ തലയിൽ കളിമണ്ണ് കൊണ്ട് എങ്ങനെ കൂടൊരുക്കിയെന്നും, പോത്ത് ഇത് അറിയുന്നില്ലേ എന്നുമാണ് പലരുടെയും സംശയം. ബീറ്റങ്കബീഡൻ എന്ന ട്വിറ്റർ പേജിൽ പ്രത്യക്ഷപ്പെട്ടിരിക്കുന്ന ഈ രസകരമായ വീഡിയോ ലക്ഷക്കണക്കിനാളുകളാണ് ഇതിനോടകം കണ്ടിരിക്കുന്നത്.
