ഭക്ഷണത്തിന് രുചി നൽകുന്നതിൽ പ്രധാനിയാണ് വെളുത്തുള്ളി. അതുകൊണ്ടുതന്നെ വെളുത്തുള്ളി ചേർക്കാത്ത ഭക്ഷണങ്ങൾ കുറവായിരിക്കും. വിഭവത്തിന്റെ സ്വാദിൽ മാറ്റം വരുത്താൻ വെളുത്തുള്ളിയോളം ശേഷിയുള്ള മറ്റൊരു ചേരുവ ഇല്ലെന്ന് വേണം പറയാൻ. ഭക്ഷണത്തിന് രുചിയും മണവും മാത്രമല്ല, നമ്മുടെ ശരീരത്തിന് മികച്ച ആരോഗ്യം പ്രധാനം ചെയ്യാനും വെളുത്തുള്ളിയ്ക്ക് കഴിയും.
ഗ്യാസിന്റെ പ്രശ്നം അനുഭവപ്പെടുമ്പോൾ പൊതുവേ നൽകാറുള്ള ഉപദേശമാണ് വെളുത്തുള്ളി കഴിക്കൂ എന്നത്. ദഹന പ്രശ്നങ്ങൾ പരിഹരിക്കാൻ വെളുത്തുള്ളിയോളം മികച്ച മറ്റൊരു മരുന്നും ഇല്ലാ എന്നതാണ് ഇതിന് കാരണം. ആൻറി ബാക്ടീരിയൽ, ആന്റിസെപ്റ്റിക് ഗുണങ്ങൾ വെളുത്തുള്ളിയിൽ ധാരാളം അടങ്ങിയിട്ടുണ്ട്. ഇതാണ് ദഹന പ്രശ്നങ്ങൾ പരിഹരിക്കുന്നത്.
മികച്ച പ്രതിരോധ ശേഷി നൽകുന്നു എന്നത് വെളുത്തുള്ളിയുടെ പ്രധാന ഗുണങ്ങളിൽ ഒന്നാണ്. വെളുത്തുള്ളിയിൽ ധാരാളം സിങ്കും വിറ്റാമിൻ സിയും അടങ്ങിയിരിക്കുന്നു. ഇത് ഡിഎൻഎയ്ക്ക് കേടുപാടുകൾ സംഭവിക്കുന്നതിൽ നിന്നും സംരക്ഷണം ചെയ്യുകയും, പ്രതിരോധ ശേഷി നൽകുകയും ചെയ്യുന്നു. കണ്ണ്, ചർമ്മം, ടെവി എന്നിവയുടെ ആരോഗ്യത്തിനും വെളുത്തുള്ളി ഗുണം ചെയ്യും.
ക്യാൻസർ, പെപ്റ്റിക് അൾസർ എന്നിവയെ പ്രതിരോധിക്കാൻ വെളുത്തുള്ളിയ്ക്ക് കഴിയും. കുടലിൽ നിന്നുള്ള പകർച്ചവ്യാധികളെയും വെളുത്തുള്ളി ഇല്ലാതാക്കുന്നു.
ശരീരഭാരം കുറയ്ക്കാൻ ആഗ്രഹിക്കുന്നവർ വെളുത്തുള്ളി ശീലമാക്കുന്നത് നന്നായിരിക്കും. വെളുത്തുള്ളി നിത്യേന കഴിച്ചാൽ ശരീരത്തിലെ എൽഡിഎൽ കൊളസ്ട്രോൾ കുറയും. ഇത് ശരീരഭാരം കുറയുന്നതിന് കാരണമാകും. തലച്ചോറിന്റെ ആരോഗ്യത്തിനും വെളുത്തുള്ളി ശീലമാക്കുന്നത് ഗുണം ചെയ്യും.
ജലദോഷവും ചുമയും അകറ്റാൻ ഏറെ മികച്ച ഔഷധമാണ് വെളുത്തുള്ളി. ചുമയോ ജലദോഷമോ അനുഭവപ്പെടുമ്പോൾ രണ്ട് അല്ലി വെളുത്തുള്ളി ചതച്ച് വെറും വയറ്റിൽ കഴിക്കാം.
