ലക്നൗ: രാജ്യത്തിനായി വീരബലിദാനം നടത്തിയ സിഖ് പരമ്പരയുടെ ഓർമ്മപ്പെടുത്തൽ ദിനത്തിൽ സിഖ് സമൂഹത്തിനൊപ്പം ചടങ്ങിൽ പങ്കെടുത്ത് യോഗി ആദിത്യനാഥും. വീർ ബാല ദിവസ് പ്രമാണിച്ച് ലക്നൗവിലെ സിഖ് ഗുരുദ്വാരയിൽ നടന്ന ചടങ്ങിലാണ് യോഗി ആദിത്യനാഥ് മുഖ്യാതിഥിയായി പങ്കെടുത്തത്. സിഖ് മതവിഭാഗത്തിന്റെ പുണ്യഗ്രന്ഥമായ ഗുരുഗ്രന്ഥ സാഹിബ് ശിരസ്സിലേറ്റി നടന്ന പ്രദക്ഷിണത്തിലും യോഗി ആദിത്യനാഥ് പങ്കെടുത്തു.
സിഖ് ഗുരുവായിരുന്ന ഗുരുഗോവിന്ദ സിംഹന്റെ മക്കളായ സൊരാവർ സിംഗിന്റേയും ഫത്തേഹ് സിംഗിന്റേയും ബലിദാന ദിനമാണ് വീർ ബാൽ ദിവസായി ആചരിക്കുന്നത്. ആറും ഒമ്പതും വയസ്സ് മാത്രം പ്രായമുള്ളപ്പോഴാണ് മുഗൾ അക്രമകാരികൾ ഇരുവരേയും മതിലുകെട്ടി അതിനുള്ളിലാക്കി ശ്വാസം മുട്ടിച്ച് കൊലപ്പെടുത്തിയത്. ഗുരുഗോവിന്ദ സിംഹന്റെ നാലു മക്കളും വീരബലിദാനികളായി എന്നതും ചരിത്രത്തിൽ സമാനത കളില്ലാത്ത സ്വാതന്ത്ര്യസമര പോരാട്ടമാണ്. മുഗള അക്രമകാരികൾക്കെതിരെ ധീരമായി പോരാടിയ സിഖ് സമൂഹത്തിനൊപ്പം രാജ്യം ഇന്ന് വീർ ബാൽ ദിവസ് സമുചിതമായി ആചരിക്കുകയാണ്. കൊറോണ നിയന്ത്രണങ്ങൾ കാരണം രണ്ടു വർഷമായി ഗുരുദ്വാരകളിൽ മാത്രമായി ഒതുങ്ങിയിരുന്ന പരിപാടികളാണ് ഇത്തവണ കേന്ദ്രസർക്കാർ വ്യാപകമായ ദേശാഭിമാന ദിനാചരണമാക്കി മാറ്റിയത്. ഈ വർഷത്തെ ആചരണം പ്രധാന സാംസ്കാരിക പരിപാടിയാക്കി മാറ്റുന്നതിൽ കേന്ദ്രസർക്കാറും വിവിധ മതസാമൂഹ്യ സംഘടനകളും കൈകോർത്തു.
വീർ ബാല ദിവസ് പ്രമാണിച്ച് ഇന്ന് രാവിലെ രാഷ്ട്രപതിയും പ്രധാനമന്ത്രിയും മറ്റ് കേന്ദ്രമന്ത്രി മാരും സിഖ് സമൂഹത്തിന് ഐക്യദാർഢ്യം പ്രഖ്യാപിച്ചിരുന്നു. എല്ലാ സംസ്ഥാനങ്ങളിലും ഗവർണമാരും വീർ ബാൽ ദിവസ് സന്ദേശം നൽകിയിട്ടുണ്ട്. കൂടാതെ എല്ലാ സംസ്ഥാന ങ്ങളിലും സിഖ് ഗുരുദ്വാരകൾ കേന്ദ്രീകരിച്ച് നടന്ന പ്രാർത്ഥനാ സഭകളിൽ കേന്ദ്രമന്ത്രിമാരും എംപിമാരും വിവിധ സാമൂഹ്യ സാംസ്കാരിക പ്രവർത്തകരും പങ്കെടുത്തുകൊണ്ടിരിക്കുക യാണ്.
Comments