ന്യൂഡൽഹി: ഇന്ത്യൻ സമുദ്ര തീരത്ത് നിന്നും ആയുധങ്ങളും ലഹരിമരുന്നുമടങ്ങിയ പാക് മത്സ്യബോട്ട് പിടികൂടി. തീരദേശസേനയാണ് ബോട്ട് പിടിച്ചെടുത്തത്. ബോട്ടിലുണ്ടായിരുന്ന പത്ത് പേരെ സുരക്ഷാ ഉദ്യോഗസ്ഥർ കസ്റ്റഡിയിലെടുത്തിട്ടുണ്ട്. ഗുജറാത്തിലെ തീവ്രവാദ വിരുദ്ധ സ്ക്വാഡിനൊപ്പം ചേർന്നായിരുന്നു ബോട്ട് പിടികൂടിയത്.
@IndiaCoastGuard in joint ops with ATS #Gujarat, apprehended #Pakistani Fishing Boat Al Soheli with 10 crew in Indian waters. During rummaging Arms, ammunition & approx 40 Kgs #narcotics worth Rs 300 cr found concealed. Boat being brought to #Okha for further investigation. pic.twitter.com/3YwzKne6bQ
— Indian Coast Guard (@IndiaCoastGuard) December 26, 2022
അൽ-സൊഹേലിയെന്ന് പേരിട്ടിരിക്കുന്ന മത്സ്യബോട്ടാണ് കസ്റ്റഡിയിൽ എടുത്തിരിക്കുന്നത്. ആയുധങ്ങൾ കൂടാതെ 300 കോടി രൂപ വിലമതിക്കുന്ന 40 കിലോഗ്രാം മയക്കുമരുന്നും പാക് ബോട്ടിലുണ്ടായിരുന്നു. നിലവിൽ ഗുജറാത്തിലെ തീരദേശ മേഖലയായ ഒഖ ടൗണിലേക്ക് ബോട്ട് കൊണ്ടുവരികയാണ്. സംഭവത്തിൽ വിശദമായ അന്വേഷണം നടത്തുകയാണെന്ന് ഇന്ത്യൻ തീരദേശ സേന അറിയിച്ചു.
