ന്യൂഡൽഹി : കൊറോണ വ്യാപനവുമായി ബന്ധപ്പെട്ട് ജനങ്ങളും ആരോഗ്യരംഗത്തുള്ളവരും ജാഗ്രത പാലിക്കണമെന്ന് കേന്ദ്ര ആരോഗ്യമന്ത്രാലയം. അടുത്ത 40 ദിവസം നിർണ്ണായക മാണെന്നാണ് മുന്നറിയിപ്പ്. വിദേശത്ത് നിന്ന് എത്തിയ 39 പേർക്ക് കൊറോണ സ്ഥിരീകരിച്ച തിനാൽ ലക്ഷണമുള്ളവർ പരിശോധിച്ച് ഉറപ്പുവരുത്തണമെന്നും വാക്സിൻ കുത്തിവെയ്പ്പ് അതിവേഗം എടുക്കണമെന്നും ആരോഗ്യമന്ത്രാലയം അറിയിച്ചു.
മുമ്പ് കൊറോണ കാലത്തെ വ്യാപന തോതിന്റെ തീവ്രതയും അനുഭവവും മുന്നിൽ കണ്ട് ആശുപത്രികൾ തയ്യാറെടുക്കണമെന്നും കേന്ദ്ര ആരോഗ്യമന്ത്രാലയം നിർദ്ദേശിച്ചിട്ടുണ്ട്. ലോകത്തെ വിവിധ രാജ്യങ്ങളിൽ നിലവിൽ എടുത്തിരിക്കുന്ന തയ്യാറെടുപ്പുകളുടെ വിവരങ്ങൾക്കനുസരിച്ചാണ് ഇന്ത്യയിലും പ്രതിരോധ പ്രവർത്തനം വേഗത്തിലാക്കുന്നത്.
നിലവിലെ കൊറോണ ഉപവകഭേദത്തിന്റെ പ്രത്യേകതകളും ആരോഗ്യമന്ത്രാലയം എല്ലാ സംസ്ഥാനങ്ങൾക്കും കൈമാറിയതായും കേന്ദ്രസർക്കാർ അറിയിച്ചിട്ടുണ്ട്. സംസ്ഥാനങ്ങളും കേന്ദ്രഭരണപ്രദേശങ്ങളും ഈ മാസം 24 മുതലുള്ള എല്ലാ വിവരങ്ങളും രേഖപ്പെടുത്ത ണമെന്നും ആരോഗ്യമന്ത്രാലയം അറിയിച്ചു.
ദുബായിൽ നിന്നെത്തിയ രണ്ടുപേർക്ക് ചെന്നൈ വിമാനത്താവളത്തിലെ പരിശോധനയിൽ കൊറോണ സ്ഥിരീകരിച്ചിട്ടുണ്ട്. ഇരുവരും തമിഴ്നാട് പുതുക്കോട്ടൈ സ്വദേശികളാണ്.
Comments