ഋഷഭ് പന്തിന്റെ വാഹനാപകടം: ന്യൂ ഇയറിന് അമ്മയ്‌ക്ക് സർപ്രൈസ് നൽകാൻ വീട്ടിലേക്ക് പോകും വഴി; സിസിടിവി ദൃശ്യങ്ങൾ പുറത്ത്

ന്യൂഡൽഹി: ക്രിക്കറ്റ് താരം ഋഷഭ് പന്തിന് സംഭവിച്ച കാറപകടത്തിന്റെ സിസിടിവി ദൃശ്യങ്ങൾ പുറത്ത്. പന്ത് സഞ്ചരിച്ചിരുന്ന മേഴ്‌സിഡസ് എഎംജി ജിഎൽഇ43 കൂപ്പെ റോഡിന് നടുവിലുള്ള ഡിവൈഡറിൽ ചെന്നിടിച്ച് നിൽക്കുന്ന സിസിടിവി ദൃശ്യങ്ങളാണ് ഇപ്പോൾ പുറത്തുവരുന്നത്.

Shocking accident caught on camera. #RishabhPant's car crashed into a divider, car caught fire 6 minutes after the crash. pic.twitter.com/nsWrFvji73

— Shubhankar Mishra (@shubhankrmishra) December 30, 2022

ഉത്തരാഖണ്ഡിലെ റൂർക്കിക്ക് സമീപമായിരുന്നു അപകടം. കാറിടിച്ചതിന് പിന്നാലെ ചില്ല് തകർത്ത് പുറത്തുകടന്നതിനാലാണ് താരത്തിന്റെ ജീവന് അപായം സംഭവിക്കാതിരുന്നത്. അപകടം സംഭവിച്ച് മിനിറ്റുകൾക്കുള്ളിൽ കാറിന് തീപിടിക്കുകയും കത്തി നശിക്കുകയും ചെയ്തിരുന്നു.

Thank God #Rishabh was not wearing the Seat Belt which helped him in jumping out of the window as soon as the Car caught Fire🙏

The condition of the Car is HORRIFIC!#RishabhPant pic.twitter.com/LZPSzyfuo9

— The Analyzer (News Updates🗞️) (@Indian_Analyzer) December 30, 2022

ഡെറാഡൂണിലുള്ള മാക്‌സ് ആശുപത്രിയിലാണ് നിലവിൽ ഋഷഭ് പന്ത് ചികിത്സയിലുള്ളത്. ഡൽഹിയിൽ നിന്നും റൂർക്കിയിലെ വീട്ടിലേക്ക് പുലർച്ചെ വരുമ്പോഴായിരുന്നു അപകടം. വാഹനം ഓടിക്കുകയായിരുന്ന പന്ത് യാത്രക്കിടെ ഉറങ്ങിപ്പോയതാണ് അപകടത്തിന് കാരണമായതെന്ന് കരുതുന്നു. ഇക്കാര്യം ഡോക്ടർമാരോട് അദ്ദേഹം വെളിപ്പെടുത്തി. ന്യൂ ഇയറിന് കുടുംബത്തോടൊപ്പം ചിലവിടാനും അമ്മയ്‌ക്ക് സർപ്രൈസ് നൽകാനുമായിരുന്നു ഋഷഭ് പന്ത് റൂർക്കിയിലേക്ക് യാത്ര ചെയ്തത്.

Cricketer #RishabhPant's miraculous escape after his car met with an accident early morning on Friday. pic.twitter.com/rclJkZLww9

— Shubhankar Mishra (@shubhankrmishra) December 30, 2022

അതേസമയം ക്രിക്കറ്റ് താരത്തിന് സാരമായ പരിക്കുകൾ സംഭവിച്ചിട്ടുണ്ടെങ്കിലും അപകടനില തരണം ചെയ്തതായാണ് വിവരം. നെറ്റിയിലും കണങ്കാലിനുമാണ് കാര്യമായ പരിക്കുള്ളത്. കൈകൾക്കും കാലുകൾക്കും നടുവിനും ചെറിയ പരിക്കുകളുണ്ട്. ഋഷഭ് പന്തിന്റെ ചികിത്സാ ചിലവുകൾ സർക്കാർ വഹിക്കുമെന്നാണ് ഉത്തരാഖണ്ഡ് മുഖ്യമന്ത്രി പുഷ്‌കർ സിംഗ് ധാമി പ്രഖ്യാപിച്ചിരിക്കുന്നത്.

#WATCH | Uttarakhand: Cricketer Rishabh Pant shifted to Max Hospital Dehradun after giving primary treatment at Roorkee Civil Hospital. His car met with an accident near Roorkee pic.twitter.com/YTvArj8qxc

— ANI UP/Uttarakhand (@ANINewsUP) December 30, 2022