തിരുവനന്തപുരം: ക്രിസ്മസ്- പുതുവത്സര കാലത്തെ മലയാളിയുടെ മദ്യപാനത്തിന്റെ കണക്കുകൾ പുറത്ത്. പുതുവർഷപ്പിറവിയുടെ തലേ ദിവസമായ ശനിയാഴ്ച മാത്രം സംസ്ഥാനത്ത് 107.14 കോടി രൂപയുടെ മദ്യമാണ് വിറ്റഴിക്കപ്പെട്ടത്. കഴിഞ്ഞ പത്ത് ദിവസം കൊണ്ട് മലയാളി കുടിച്ചു തീർത്തത് 686.28 കോടി രൂപയുടെ മദ്യമാണ്.
തിരുവനന്തപുരം പവർ ഹൗസ് റോഡ് ഔട്ട്ലെറ്റാണ് പുതുവത്സര മദ്യവിൽപ്പനയിൽ കപ്പടിച്ചത്. തൊട്ടുപിന്നിൽ കൊല്ലം ആശ്രാമം ഔട്ട്ലെറ്റുമുണ്ട്.
കഴിഞ്ഞ പുതുവത്സര ദിനത്തിൽ 95.67 കോടി രൂപയുടെ മദ്യമായിരുന്നു കേരളത്തിൽ വിറ്റഴിച്ചത്. ക്രിസ്മസ്- പുതുവത്സര സീസണിൽ നടന്നത്. 649.32 കോടി രൂപയുടെ മദ്യവിൽപ്പനയായിരുന്നു.
ഡിസംബർ 22,23,24 തീയതികളിൽ മാത്രം 229.80 കോടി രൂപയുടെ മദ്യവിൽപ്പന കേരളത്തിൽ നടന്നു. കഴിഞ്ഞ വർഷം ഇതേ കാലയളവിൽ 215.49 കോടി രൂപയുടെ മദ്യവിൽപ്പനയാണ് നടന്നത്. പുതുവത്സരം ആഘോഷിക്കാൻ മലയാളിയുടെ പ്രിയമദ്യം റം ആയിരുന്നുവെന്നും കണക്കുകൾ വ്യക്തമാക്കുന്നു.
Comments