ഒപ്റ്റിക്കൽ ഇല്യൂഷൻ ചിത്രങ്ങൾക്ക് വലിയൊരു വിഭാഗം ആരാധകരാണ് സോഷ്യൽ മീഡിയയിലുള്ളത്. നിർദിഷ്ട സമയം കൊണ്ട് ചിത്രം നോക്കി ടാസ്ക് പൂർത്തിയാക്കാൻ കാഴ്ചക്കാർക്ക് വളരെ ഇഷ്ടമാണ്. കണ്ണിന്റെ ദൃശ്യപരതയും നിരീക്ഷണപാടവവും പരീക്ഷിക്കുന്ന പുതിയൊരു ഒപ്റ്റിക്കൽ ഇല്യൂഷൻ ചിത്രമാണ് ഇപ്പോൾ ഇന്റർനെറ്റ് യൂസേഴ്സിനെ കുഴപ്പിച്ചിരിക്കുന്നത്.
ഒരു ബ്ലാക്ക് ആൻഡ് വൈറ്റ് ചിത്രമാണിത്. ഗുളികകളും ക്യപ്സ്യൂളുകളുമാണ് ചിത്രത്തിൽ. ഇതിനിടയിൽ ഒരു പാണ്ടക്കുഞ്ഞ് ഒളിഞ്ഞിരിപ്പുണ്ട്. 15 സെക്കൻഡ് കൊണ്ട് ഈ പാണ്ടക്കുഞ്ഞിനെ കണ്ടുപിടിക്കണം. ഇതാണ് ടാസ്ക്.
എന്നാൽ ടാസ്ക് ഏറ്റെടുത്ത ഭൂരിഭാഗമാളുകളും പരാജയപ്പെടുകയാണ് ചെയ്തത്. കാരണം ക്യാപ്സ്യൂളുകളുടെ അതേ നിറത്തിലാണ് പാണ്ടയുമുള്ളത്. അതുകൊണ്ട് അത്രപെട്ടെന്ന് പാണ്ടയുടെ രൂപം കണ്ണിൽപ്പെടുകയില്ല. കണ്ണുകളെ കുഴക്കിയ പുതിയ ഒപ്റ്റിക്കൽ ഇല്യൂഷൻ ചിത്രത്തിന്റെ ഉത്തരമിതാ..
