ബാലചന്ദ്ര മേനോൻ സിനിമാ ലോകത്തിന് സമ്മാനിച്ച നായികയാണ് ശോഭന. ‘ഏപ്രിൽ 18’ എന്ന സിനിമയിലൂടെ അഭിനയ രംഗത്തേയ്‌ക്ക് ചുവടു വച്ച ശോഭന വളരെപ്പെട്ടന്നു തന്നെ മലയാളികളുടെ പ്രിയപ്പെട്ട നടിയായി മാറുകയായിരുന്നു. മലയാളത്തിൽ മാത്രമല്ല, തമിഴിലും തെലുങ്കിലും ഒരേസമയം താരമായി തിളങ്ങി ശോഭന വർഷങ്ങളായി സിനിമയിൽ നിന്നും വിട്ടു നിൽക്കുകയാണ്. അഭിനയത്തിന് പുറമെ താരത്തിന്റെ സൗന്ദര്യവും ഏറെ പ്രശംസിക്കപ്പെടുന്നു. പ്രത്യേകിച്ച് തൊണ്ണൂറുകളിലെ ലുക്ക്. തുടക്ക കാലങ്ങളിലെ ശോഭനയെ നെഞ്ചിലേറ്റി നടക്കുന്ന ആരാധകർ ഇന്നും ഉണ്ട്. ഇപ്പോഴിതാ, പഴയ കാല ശോഭനയുടെ അതേ രൂപ സാദൃശ്യമുള്ള ഒരാളാണ് സമൂഹമാദ്ധ്യമങ്ങളിൽ ശ്രദ്ധ പിടിച്ചുപറ്റുന്നത്.
ശോഭനയുമായി രൂപസാദൃശ്യമുള്ള ഒരു യുവതിയുടെ വിഡിയോ സമൂഹമാദ്ധ്യമങ്ങളിൽ വൈറലാകുകയാണ്. കർണാടിക് ഗായിക ശിവശ്രീ സ്കന്ദയാണ് ശോഭനയുമായുള്ള അസാമാന്യ രൂപസാദൃശ്യവുമായി അമ്പരപ്പിക്കുന്നത്. ശോഭനയുടെ പഴയകാല ലുക്കാണ് വീഡിയോയിൽ ശിവശ്രീ സ്കന്ദയ്‌ക്ക്.
വീഡിയോ കാണാം, ക്ലിക്ക് ചെയ്യുക
നടിയുമായുള്ള ശിവശ്രീയുടെ സാദൃശ്യം നിരവധി ആളുകൾ ഇതിനോടകം തന്നെ ചൂണ്ടിക്കാണിച്ച് രംഗത്തെത്തി. ഗായികയായ ശിവശ്രീ തമിഴ്‌നാട് സ്വദേശിയാണ്. ഗായികയ്‌ക്ക് പുറമെ ശിവശ്രീ ഒരു നർത്തകി കൂടിയാണ്.
