എറണാകുളം: മെഡിക്കല് കോഡിംഗ് മേഖലയിലെ തുടക്കക്കാര്ക്കായി ഈ മാസം പതിമൂന്നിന് രണ്ടാം ഘട്ട ജോബ് ഫെയര് സംഘടിപ്പിക്കുന്നു. കഴിഞ്ഞ മാസം 30-ന് കൊച്ചിയിലെ സിഗ്മ മെഡിക്കല് കോഡിംഗ് അക്കാദമിയുടെ സഹകരണത്തോടെ സംഘടിപ്പിച്ച ജോബ് ഫെയറിലൂടെ ഹൈദരാബാദിലെ ഒ.ജി.എസ് കമ്പനി കേരളത്തില് നിന്നുള്ള 300-ല് പരം സര്ട്ടിഫൈഡ് മെഡിക്കല് കോഡര്മാര്ക്ക് അവസരം നല്കി. ഇക്കുറി 500-ല് പരം ഒഴിവുകളുള്ള കൊറോഹെല്ത്ത് കമ്പനിയുടെ കൊച്ചി,ചെന്നൈ,കോയമ്പത്തൂര് ഓഫീസുകളിലേയ്ക്കായി കേരളത്തില് നിന്നും 200-ല് അധികം പേരെയാണ് നേരിട്ട് റിക്യൂട്ട് ചെയ്യുന്നത്.
തുടക്കക്കാര്ക്ക് പ്രതിവര്ഷം ഇന്സെന്റീവുകള് ഉള്പ്പെടെ 2.16 ലക്ഷം മുതല് 3 ലക്ഷം വരെയാണ് വാഗ്ദാനം ചെയ്യുന്ന ശരാശരി ശമ്പളം. 30 വയസില് താഴെയുള്ളവരും ഏതെങ്കിലും വിഷയത്തില് ബിരുദവും സിപിസി സാക്ഷ്യപ്പെടുത്തിയ മെഡിക്കല് കോഡിംഗ് സര്ട്ടിഫിക്കറ്റുമുള്ളവര്ക്ക് ഇന്റര്വ്യുവില് പങ്കെടുക്കാം. താല്പ്പര്യമുള്ളവര് വിശദമായ ബയോഡേറ്റയും, ആധാര് കാര്ഡ്, പാസ്പോര്ട്ട് സൈസ് ഫോട്ടോ സഹിതം എറണാകുളം കലൂരിലെ ആസാദ് റോഡിലുള്ള റിന്യൂവല് സെന്ററില് എത്തണം. രാവിലെ 9.30 മുതല് വൈകിട്ട് 3 വരെയാണ് റിക്രൂട്ട്മെന്റ് സംഘടിപ്പിച്ചിരിക്കുന്നതെന്ന് അധികൃതര് അറിയിച്ചു. കൂടുതല് വിവരങ്ങള്ക്ക് 94004 08094, 94004 02063 എന്നീ നമ്പറുകളിലോ അല്ലെങ്കില് https://www.cigmahealthcare.in എന്ന വെബ്സൈറ്റിലോ ബന്ധപ്പെടുക.
