ബംഗളൂരു: ഐസ് ബന്ധം സ്ഥിരീകരിച്ചതിനെ തുടര്ന്ന് രണ്ടുപേരെകൂടി എന്ഐഎ അറസ്റ്റ് ചെയ്തു. മംഗളൂരു സ്വദേശികളായ മസിന് അബ്ദുറഹ്മാന്, കെ.എ. നദീംഷാ എന്നിവരാണ് അറസ്റ്റിലായത്. മംഗളൂരുവില് കുക്കര് ബോംബ് സ്ഫോടന കേസില് അറസ്റ്റിലായ മുഹമ്മദ് ഷാരിഖില് നിന്നും ലഭിച്ച വിവരത്തിന്റെ അടിസ്ഥാനത്തിലാണ് നടപടി.
ഇവര് ഐസ് പ്രവര്ത്തനത്തിന്റെ വ്യാപനത്തിനായി ഗൂഢാലോചന നടത്തിയതായും ആയുധ പരിശീലനം നടത്തിയിരുന്നതായും ദേശീയ അന്വേഷണ ഏജന്സി കണ്ടെത്തിയിരുന്നു. പരിശീനത്തിനത്തിന്റെ ഭാഗമായി തുംഗഭദ്ര നദീതിരത്ത് സ്ഫോടനം നടത്തിയതിന്റെ തെളിവും അന്വേഷണ ഏജന്സിക്ക് ലഭിച്ചു.
ഐഎസ് ബന്ധം കണ്ടെത്തിയതിനെ തുടര്ന്ന് ഉഡുപ്പിയിലെ പ്രമുഖ കോണ്ഗ്രസ്് നേതാവ് താജുദ്ദീന് ഷെയ്ഖിന്റെ മകന് ഉള്പ്പെടെ രണ്ടുപേരെ കഴിഞ്ഞ ആഴ്ച എന്ഐഎ അറസ്റ്റ് ചെയ്തിരുന്നു. ഇവരെ ചോദ്യം ചെയ്തുവരുകയാണ്.
