മുംബൈ: അന്തരിച്ച പ്രശസ്ത ബോളിവുഡ് നടൻ സുശാന്ത് സിംഗ് രജ്പുത്തിന്റെ അരുമയായ വളർത്തുനായ ഫഡ്ജിന്റെ വിടവാങ്ങൽ പങ്കുവെച്ച് സുശാന്തിന്റെ സഹോദരി പ്രിയങ്ക സിംഗ്. ‘ഫഡ്ജ്, ഒടുവിൽ നീ നിന്റെ സുഹൃത്തിനൊപ്പം സ്വർഗത്തിൽ ചേർന്നിരിക്കുന്നു’ എന്നാണ് സുശാന്തും ഫഡ്ജും ഒന്നിച്ചുനിൽക്കുന്ന ഫോട്ടോകൾ പങ്കുവെച്ച് പ്രിയങ്ക കുറിച്ചത്.
So long Fudge! You joined your friend’s Heavenly territory… will follow soon! Till then… so heart broken 💔 pic.twitter.com/gtwqLoELYV
— Priyanka Singh (@withoutthemind) January 16, 2023
സുശാന്തിന്റെ മരണശേഷം, സുശാന്തിന്റെ പിതാവ് ഫഡ്ജിനെ പാറ്റ്നയിലേക്ക് കൊണ്ടുപോവുകയായിരുന്നു. പിന്നീട്, സുശാന്തിന്റെ സഹോദരിപുത്രി മല്ലിക സിങ്ങിനൊപ്പമായിരുന്നു ഈ ബ്ലാക്ക് ലാബ്രഡോറിന്റെ താമസം.
സുശാന്തിന്റെ മരണം നടന്ന് കുറച്ചു ദിവസങ്ങൾക്ക് ശേഷം, ”ഓരോ തവണ വാതിൽ തുറക്കുമ്പോഴും അവൻ പ്രതീക്ഷയോടെ നോക്കുന്നു,” എന്ന അടിക്കുറിപ്പോടെ മല്ലിക ഫഡ്ജിന്റെ ചിത്രം പങ്കുവെച്ചിരുന്നു. സുശാന്തിന്റെ മരണവേളയിൽ, സുശാന്ത് പോയതറിയാതെ യജമാനനേയും കാത്തിരിക്കുന്ന ഫഡ്ജിന്റെ ചിത്രങ്ങളും വീഡിയോകളും ആരാധകരെ ഏറെ വിഷമിപ്പിച്ചിരുന്നു.
Missing u immensely my soulmate @itsSSR; you will always be in my heart…. no words to describe the void. pic.twitter.com/zZTYr8v6zO
— Priyanka Singh (@withoutthemind) August 3, 2020
2020 ജൂൺ 14 നാണ് സുശാന്ത് സിംഗ് രാജ്പുത്തിനെ ആത്മഹത്യ ചെയ്ത നിലയിൽ കണ്ടെത്തിയത്. മുംബൈയിലെ ബാന്ദ്രയിലുള്ള വസതിയിൽ തൂങ്ങി മരിച്ച നിലയിയിലാണ് സുശാന്തിനെ കണ്ടെത്തിയത്. സ്വാഭാവികമായ അഭിനയ ശൈലിയുടെ പ്രേക്ഷക ഹൃദയങ്ങൾ കീഴടക്കിയ താരമാണ് സുശാന്ത്.
