തെന്നിന്ത്യൻ താരം ഹൻസിക മൊട്വാനിയുടെ വിവാഹ വീഡിയോ ഒടിടിയിൽ സ്ട്രീമിംഗ് ചെയ്യാൻ ഒരുങ്ങി ഹോട്സ്റ്റാർ്. ‘ഹൻസികാസ് ലവ് ശാദി ഡ്രാമ’ എന്ന പേരിലാണ് വിഡിയോ ആരാധകരിലേക്ക് എത്തുന്നത്. ഡിസ്നി പ്ലസ് ഹോട്സ്റ്റാർ വിവാഹ വീഡിയോയുടെ ടീസർ പുറത്തുവിട്ടിട്ടുണ്ട്.
ഡിസംബർ 4-ന് ജയ്പൂരിലെ മുണ്ടോട്ട കോട്ടയിൽ വച്ചാണ് ഹൻസികയുടെ വിവാഹാഘോഷം നടന്നത്. മുംബൈ വ്യവസായിയായ സോഹൽ ഖതൂരിയായിരുന്നു വരൻ. അടുത്ത ബന്ധുക്കൾ മാത്രമായിരുന്നു ചടങ്ങിൽ പങ്കെടുത്തത്.
തെന്നിന്ത്യൻ ലേഡി സൂപ്പർ സ്റ്റാർ നയൻതാരയുടെയും സംവിധായകൻ വിഘ്നേഷ് ശിവന്റെയും വിവാഹ ഡോക്യുമെന്ററിയുടെ പ്രെമോയും സെപ്റ്റംബറിൽ പുറത്ത് വന്നിരുന്നു. എന്നാൽ ഇതുവരെ ഡോക്യുമെന്ററി ഒടിടിയിൽ എത്തിയിട്ടില്ല. ഹൻസികയുടെ വീഡിയോ ടീസർ പുറത്തിറങ്ങുമ്പോൾ നയൻസിന്റെ വിവാഹ ഡോക്യുമെന്ററി എന്ന് പുറം ലോകം കാണുമെന്നാണ് ആരാധകർ ഒന്നടങ്കം ചോദിക്കുന്നത്.
നയൻതാരയുടെ ജീവിത കഥ പറയുന്ന ഡോക്യുമെന്ററിക്ക് ‘നയൻതാര: ബിയോണ്ട് ദ് ഫെയറി’ ടെയ്ൽ എന്നാണ് പേരാണ് നെറ്റ്ഫ്ളിക്സ് നൽകിയിരിക്കുന്നത്.
Comments