ആത്മധൈര്യത്തിന് പ്രായമൊരു പ്രശ്‌നമെല്ലന്ന് തെളിയിച്ചിരിക്കുകയാണ് 80-കാരി. മാരത്തണിൽ സാരിയുടുത്ത് ത്രിവർണ പതാകയുമേന്തി ഓടിയ 80 വയസുകാരിയായ ഭാരതിമ്മയാണ് സാമൂഹ്യ മാദ്ധ്യമങ്ങളിലെ മിന്നും താരം.
മുംബൈയിൽ നടന്ന ടാറ്റ കമ്പനിയുടെ മാരത്തണിലാണ് ഭാരതിയമ്മ സാരിയുടുത്ത് ത്രിവർണ പതാകയുമായി രംഗത്തെത്തിത്. നാല് കിലോ മീറ്ററോളം ഓടിയ ഇവർ എല്ലാവർക്കും പ്രചോദനമായിരിക്കുകയാണ്.
ഭാരതിയമ്മയുടെ ചെറുമകൾ ഡിംമ്പിൾ മേത്തയാണ് ആത്മധൈര്യം നൽകുന്ന വീഡിയോ ഇൻസ്റ്റഗ്രാമിലൂടെ പങ്കുവെച്ചത്.
‘ടാറ്റ മാരത്തണിൽ പങ്കെടുത്ത് ഒരുപാട് പ്രചോദനമായ എൺപതുകാരിയായ മുത്തശ്ശി ‘എന്ന അടിക്കുറിപ്പോടെയാണ് വീഡിയോ പങ്കുവെച്ചിരിക്കുന്നത്. ഇതിനോടകം നിരവധി ആളുകൾ പോസ്റ്റ് കാണുകയും പ്രശംസിക്കുകയും അഭിനന്ദനങ്ങൾ അറിയിക്കുകയും ചെയ്തു. 51 മിനിറ്റ് കൊണ്ട് 4.2 കിലോ മീറ്ററാണ് ഇവർ പൂർത്തിയാക്കിയത്.
ടാറ്റ കമ്പനിയുടെ 18-മത് മാരത്തണിൽ റെക്കോർഡ് ജനപങ്കാളിത്തമാണ് ഉണ്ടായിരുന്നത്. കുട്ടികളും മുതിർന്നവരും ഉൾപ്പെടെ അനവധി പ്രദേശവാസികളാണ് പരിപാടിയിൽ പങ്കാളികളായത്. വിവിധ സാമൂഹിക ആവശ്യങ്ങൾക്കായി ജനങ്ങൾ ഒന്ന്ച്ച് പങ്കെടുത്തു.എന്നാൽ 80 കാരിയുടെ പ്രകടനം തന്നെയായിരുന്നു മാരത്തണിനെ ശ്രദ്ധേയമാക്കിയത്.
