തൃശൂർ: മെഡിക്കൽ കോളേജ് കോമ്പൗണ്ടിൽ പ്രവർത്തിക്കുന്ന ഇന്ത്യൻ കോഫീ ഹൗസിന്റെ ലൈസൻസ് സസ്പന്റെ് ചെയ്തു. വളരെ വൃത്തിഹീനമായാണ് കോഫീ ഹൗസ് പ്രവർത്തിക്കുന്നതെന്ന് കണ്ടെത്തിയതിനെ തുടർന്നാണ് നടപടികളിലേക്ക് നീങ്ങിയത്. തദ്ദേശ സ്ഥാപനത്തിന്റെ അനുമതി പോലും ഇല്ലാതെയായിരുന്നു ഈ ഇന്ത്യൻ കോഫി ഹൗസ് യൂണിറ്റ് പ്രവർത്തിച്ചിരുന്നത്.
മുൻപ് തന്നെ ഇന്ത്യൻ കോഫീ ഹൗസിന്റെ ഈ യൂണിറ്റിനെതിരെ നിരവധി പരാതികൾ ഉയർന്നിരുന്നെങ്കിലും നടപടിയെടുക്കാൻ ഉദ്യോഗസ്ഥർ തയ്യാറായിരുന്നില്ല. മാനദണ്ഡങ്ങൾ പാലിക്കാതെ പ്രവർത്തിക്കാൻ അനുമതി നൽകിയ രണ്ട് ഉദ്യോഗസ്ഥരെ അന്വേഷണ വിധേയമായി സ്ഥലമാറ്റിയിട്ടുണ്ട്. അസിസ്റ്റന്റ് ഭക്ഷ്യ സുരക്ഷാ കമ്മീഷണറെയും വടക്കാഞ്ചേരി ഫുഡ് സേഫ്റ്റി ഓഫീസർക്കുമെതിരെയാണ് നടപടി.
സംസ്ഥാനത്ത് വിവിധ പട്ടണങ്ങളിലായി അമ്പതിലധികം കോഫി ഹൗസ് യൂണിറ്റുകൾ പ്രവർത്തിക്കുന്നണ്ട്. മിക്കതും വൃത്തിഹീനമായാണ് പ്രവർത്തിക്കുന്നതെന്ന് ആക്ഷേപമുണ്ട്.
Comments