പുതുവത്സരം ഇക്കുറി സിനിമാ പ്രേമികൾക്ക് നൽകിയ സമ്മാനമായിരുന്നു മാളികപ്പുറം. തീയേറ്ററുകളിൽ കേറിയിട്ട് ദശാബ്ദങ്ങളായി എന്ന് പറയുന്നവർ പോലും മാളികപ്പുറം കാണാൻ എത്തി. കുടുംബ പ്രേക്ഷകർക്ക് ഉണ്ണി മുകുന്ദനും സംഘവും നൽകിയ മികച്ച ദൃശ്യവിരുന്നായിരുന്നു ചിത്രം.
ഒറ്റത്തവണ കണ്ടാൽ മതിവരാത്ത അനുഭൂതിയാണ് സിനിമയുടെ ഏറ്റവും വലിയ പ്രത്യേകത. അതുകൊണ്ട് തന്നെ സിനിമ റിലീസ് ചെയ്ത് നാലാം വാരത്തിലേക്ക് കടക്കുമ്പോൾ 145 തീയേറ്ററുകളിൽ നിന്ന് 230ൽ അധികം തീയേറ്ററുകളിലേക്ക് പ്രദർശനം വ്യാപിപ്പിച്ചിരിക്കുകയാണ്. നടൻ ഉണ്ണി മുകുന്ദൻ തന്നെയാണ് ഇക്കാര്യം സമൂഹമാദ്ധ്യമത്തിലൂടെ അറിയിച്ചത്. ഇത് പ്രേക്ഷകർ തന്ന വിജയമാണെന്നും അദ്ദേഹം പറഞ്ഞു.
നാളുകൾക്ക് ശേഷം മലയാളികൾക്ക് ലഭിച്ച ഫാമിലി ബ്ലോക്ക് ബസ്റ്ററായിരുന്നു മാളികപ്പുറം. ഇപ്പോഴിതാ സിനിമയുടെ തമിഴ്, തെലുങ്ക് ട്രെയിലറുകളും പുറത്തുവന്നിരിക്കുകയാണ്. പാൻ-ഇന്ത്യൻ ചിത്രമായി മാളികപ്പുറം ഉയരുമ്പോൾ അതിന്റെ മുഴുവൻ ക്രെഡിറ്റും അഭിനേതാക്കളും അണിയറപ്രവർത്തകരുമടങ്ങുന്ന ടീമിന് അവകാശപ്പെട്ടതാണെന്ന് ഉണ്ണി മുകുന്ദൻ പ്രതികരിച്ചിരുന്നു.
Comments