ന്യൂയോർക്ക്: അമേരിക്കയിൽ ലോസ്എയ്ഞ്ചൽസിൽ വെടിവെയ്പ്പ്. മോണ്ടെരെ പാർക്കിൽ ചൈനീസ് പുതുവത്സര ആഘോഷ പരിപാടിക്ക് നേരെയാണ് വെടിവെയ്പ്പുണ്ടായത്. പ്രാദേശിക സമയം രാത്രി 10 മണിയോടെയായിരുന്നു സംഭവം.
സംഭവത്തിൽ 10 പേർ കൊല്ലപ്പെട്ടതായി അന്താരാഷ്ട്ര മാദ്ധ്യമങ്ങൾ റിപ്പോർട്ട് ചെയ്യുന്നു. ഒമ്പത് പേർക്ക് ഗുരുതരമായി പരിക്കേറ്റതായും റിപ്പോർട്ടുകൾ പുറത്തു വരുന്നുണ്ട്. എന്നാൽ സംഭവത്തിൽ എത്രപേർ മരിച്ചെന്നോ പരിക്കേറ്റെന്നോ ഔദ്യോഗിക സ്ഥിരീകരണങ്ങൾ ഒന്നുംതന്നെ പുറത്തുവന്നിട്ടില്ല.
രണ്ടുദിവസമായാണ് ചൈനീസ് ലൂണാർ പുതുവത്സരം ആഘോഷിക്കുന്നത്. പതിനായിരക്കണക്കിന് പേരാണ് കഴിഞ്ഞദിവസം ലോസ്എയ്ഞ്ചൽസിൽ നടന്ന പരിപാടിയിൽ പങ്കെടുത്തത്.
