പനാജി: ഗുജറാത്ത് കലാപത്തിൽ പ്രധാനമന്ത്രി നരേന്ദ്ര മോദിയ്ക്ക് പങ്കുണ്ടുണ്ടെന്ന മട്ടിൽ ബിബിസി തയ്യാറാക്കിയ ഡോക്യുമെന്ററി അദ്ദേഹത്തെ വ്യക്തിഹത്യ നടത്തുക എന്ന ഉദ്ദേശ്യത്തോടെയുള്ളതെന്ന് ഗോവ ഗവർണർ പി എസ് ശ്രീധരൻപിള്ള. നരേന്ദ്ര മോദിയുടെ നേതൃത്വത്തിൽ ഭാരതത്തിന് അന്താരാഷ്ട്ര തലത്തിൽ അനുദിനം വർദ്ധിച്ചു വരുന്ന പ്രാമുഖ്യത്തിന് കളങ്കമുണ്ടാക്കുക എന്ന ഗൂഢാലോചനയും ഡോക്യുമെന്ററിക്ക് പിന്നിലുണ്ടെന്നും അദ്ദേഹം ആരോപിച്ചു.
റിപ്പബ്ലിക് ദിനപരേഡിനെ അഭിസംബോധന ചെയ്ത് സംസാരിക്കേ രാജ്യത്തിന്റെ പരമാധികാരത്തെക്കുറിച്ച് പരാമർശിക്കവേയാണ് ഗോവ ഗവർണർ ബിബിസി ഡോക്യുമെന്ററിയെക്കുറിച്ച് പരാമർശിച്ചത്. രാജ്യത്തെ പരമോന്നത കോടതി തികച്ചും നിരപരാധി എന്ന് കണ്ടെത്തിയ വ്യക്തിയെ സംശയത്തിന്റെ നിഴലിലാക്കും വിധം ഡോക്യുമെന്ററി തയ്യാറാക്കുന്നത് ഒരു രാജത്തിന്റെ പരമാധികാരത്തെ വെല്ലുവിളിക്കുന്നതിന് തുല്യമാണ് എന്ന് അദ്ദേഹംപ്രസ്താവിച്ചു. സംഭവം നടന്ന് വർഷങ്ങൾക്ക് ശേഷം ഇത്തരത്തിൽ വിവാദ ഡോക്യമെന്ററി ചെയ്ത് രാജ്യത്തെ സുപ്രീം കോടതിയെ വെല്ലുവിളിക്കുകയാണ് ചെയ്തതെന്നും അദ്ദേഹം പറഞ്ഞു.
Comments