ഹൈദരാബാദ്: സ്റ്റാർട്ട് അപ്പുകളുടെ എണ്ണത്തിൽ ഇന്ത്യയ്ക്ക് മൂന്നാം സ്ഥാനമുണ്ടെന്ന് കേന്ദ്രമന്ത്രി ജി.കിഷൻ റെഡ്ഡി. ഹൈദരാബാദിൽ നടന്ന ആദ്യ ‘സ്റ്റാർട്ട് അപ്പ്-20’ പരിപാടിയിലാണ് അദ്ദേഹം ഇക്കാര്യം പങ്കുവച്ചത്. ഈ മാസം 29-ന് സ്റ്റാർട്ട് അപ്പ്-20 അവസാനിക്കും.
ഇന്ത്യ ജി20 ഉച്ചകോടിയുടെ അദ്ധ്യക്ഷത വഹിക്കുന്നതിന്റെ ഭാഗമായാണ് സ്റ്റാർട്ടപ്പ്-20 എന്ന പുതിയ ഗ്രൂപ്പ് സ്ഥാപിച്ചത്. കോർപ്പറേഷൻ, ഇൻവേഷൻ ഏജൻസികൾ, നിക്ഷേപകർ തുടങ്ങിയവ അടക്കമുള്ള ഇക്കോസിസ്റ്റം സ്റ്റോക്ക് ഹോൾഡേഴസ് എന്നിവയടക്കമുള്ള കാര്യങ്ങളിൽ വികസനം കൊണ്ടുവരാനാണ് സ്റ്റാർട്ട് അപ്പ്-20 ലക്ഷ്യമിടുന്നത്.
തൊഴിലാളിയാകുന്നതിനേക്കാൾ ഒരു തൊഴിൽ ദാതാവ് ആകുന്നതിനാണ് നമ്മുടെ യുവാക്കൾ ആഗ്രഹിക്കുന്നത്. ഇന്ത്യൻ സ്റ്റാർട്ടപ്പുകളുടെ വിജയത്തിന് കാരണം നമ്മുടെ യുവാക്കളുടെ അഭിനിവേശമാണെന്നും അദ്ദേഹം കൂട്ടിച്ചേർത്തു. ലോകത്തെ കോടിക്കണക്ക് വരുന്ന ജനങ്ങളുടെ പ്രശ്നങ്ങൾ പരിഹരിക്കാൻ നമ്മുടെ സ്റ്റാർട്ട് അപ്പുകൾക്ക് സാധിച്ചിട്ടുണ്ടെന്നും സ്റ്റാർട്ട് അപ്പ്-20 ഉദ്ഘാടന വേളയിൽ അധികൃതർ പ്രതികരിച്ചു.
Comments