ന്യൂഡൽഹി: പ്രഥമ അണ്ടർ-19 ടി20 ലോകകപ്പ് നേടിയ ഇന്ത്യൻ ടീമിനെ അഭിനന്ദിച്ച് പ്രധാനമന്ത്രി നരേന്ദ്രമോദി. വളർന്നുവരുന്ന ക്രിക്കറ്റ് താരങ്ങൾക്ക് പ്രചോദനമാണ് കിരീടനേട്ടമെന്ന് പറഞ്ഞ പ്രധാനമന്ത്രി ടീമിനും താരങ്ങൾക്കും മികച്ചഭാവി നേരുന്നതായും ട്വീറ്റ് ചെയ്തു.
ആഭ്യന്തരമന്ത്രി അമിത് ഷായും താരങ്ങൾക്ക് ആശംസകൾ നേർന്ന് ട്വീറ്റ് ചെയ്തു. രാജ്യം നിങ്ങളെ ഓർത്ത് അഭിമാനിക്കുന്നുവെന്നും രാജ്യത്തെ ദശലക്ഷക്കണക്കിന് പെൺകുട്ടികളുടെ സ്വപ്‌നങ്ങൾക്ക് ചിറക് നൽകുന്നതാണ് ഈ കിരീട നേട്ടമെന്നും അമിത് ഷാ പറഞ്ഞു. നിങ്ങൾ ഒരിക്കൽകൂടി രാജ്യത്തെ അഭിമാനം കൊള്ളിച്ചിരിക്കുന്നു എന്നായിരുന്നു വിദേശകാര്യമന്ത്രി എസ്.ജയശങ്കറിന്റെ പ്രതികരണം.
ഒളിമ്പിക് സ്വർണ മെഡൽ ജേതാവ് നീരജ് ചോപ്ര മത്സരത്തിന് മുൻപ് വനിതാ താരങ്ങളുടെ അടുത്തെത്തി ആശംസകൾ നേർന്നു. രാജ്യത്തെ മുഴുവൻ അഭിമാനംകൊള്ളിക്കുവാനുള്ള അവസരം നിങ്ങൾക്ക് ലഭിക്കുമെന്നാണ് താൻ കരുതുന്നതെന്ന് അദ്ദേഹം മത്സരത്തിന് മുൻപ് താരങ്ങളോട് പറഞ്ഞു. ഈ വിഡിയോകൾ സാമൂഹ്യ മാദ്ധ്യമങ്ങളിൽ വൈറലായിരിക്കുകയാണ്.
𝐖𝐨𝐫𝐝𝐬 𝐨𝐟 𝐖𝐢𝐬𝐝𝐨𝐦! 👏🏻👏🏻
Just the motivation #TeamIndia needed ahead of the inaugural #U19T20WorldCup Final!
🗣️🗣️ Hear what Javelin thrower & Olympic Gold medallist @Neeraj_chopra1 had to say to the #WomenInBlue before the summit clash 👇🏻 pic.twitter.com/vyDDedAj0v
— BCCI Women (@BCCIWomen) January 29, 2023
ഫൈനലിൽ ഇംഗ്ലണ്ടിനെ ഏഴ് വിക്കറ്റിന് തറപറ്റിച്ചാണ് ഇന്ത്യ വിജയം കരസ്ഥമാക്കിയത്.ആദ്യം ബാറ്റ് ചെയ്ത ഇംഗ്ലണ്ടിനെ 17.1 ഓവറിൽ 68 റണ്ണിന് ഇന്ത്യ പുറത്താക്കി. 69 റൺസ് ലക്ഷ്യം പിന്തുടർന്ന ഇന്ത്യ 13 -ാം ഓവറിന്റെ അവസാന പന്തിൽ വിജയം കൈവരിക്കുകയായിരുന്നു.
