ഋഷികേശ്: ആത്മീയ യാത്ര നടത്തി വിരാട് കോഹ്ലിയും അനുഷ്ക ശകർമ്മയും. ഋഷികേശിലെത്തിയ ദമ്പതികൾ പ്രധാനമന്ത്രി നരേന്ദ്രമോദിയുടെ ഗുരുവായ ദയാനന്ദഗിരിയുടെ ആശ്രമം സന്ദർശിച്ച് അനുഗ്രഹം വാങ്ങി. ഇരുവരും ആശ്രമത്തിൽ ഇരിക്കുന്ന ചിത്രങ്ങൾ സമൂഹമാദ്ധ്യമങ്ങളിൽ വൈറലാകുകയാണ്. ഓസ്‌ട്രേലിയയ്‌ക്കെതിരായ ടെസ്റ്റ് പരമ്പരയ്‌ക്ക് മുമ്പാണ് കോഹ്ലിയുടെ ഋഷികേശ് സന്ദർശനം.
കോഹ്ലിയും അനുഷ്‌കയും ആശ്രമത്തിലെ പൊതു ചടങ്ങുകളിൽ പങ്കെടുക്കുമെന്നും തുടർന്ന് ഭണ്ഡാര (മത വിരുന്ന്) സംഘടിപ്പിക്കുമെന്നും റിപ്പോർട്ടുണ്ട്. മകൾ വാമികയ്‌ക്കൊപ്പം വൃന്ദാവനിലെ ഒരു ആശ്രമത്തിൽ ഇരുവരും അനുഗ്രഹം തേടി ദിവസങ്ങൾക്ക് ശേഷമാണ് വിരാടും അനുഷ്‌കയും ഋഷികേശ് സന്ദർശിക്കുന്നത്.
അതേസമയം, ഓസ്ട്രേലിയക്കെതിരായ ബോർഡർ ഗവാസ്‌കർ ട്രോഫിക്കുള്ള മുന്നൊരുക്കത്തിലാണ് ഇന്ത്യൻ ടീം. ഓസ്‌ട്രേലിയക്കെതിരെ അടുത്തമാസം ഒമ്പതിന് നാഗ്പൂരിലാണ് ആദ്യ ടെസ്റ്റ്.
